រឿងរ៉ាវចម្រូងចម្រាសពាក់ព័ន្ធនឹងបំណុលរបស់អតីតស្ដេចចម្រៀងប៉ុបដែលបានស្លាប់ទៅហើយនោះត្រលប់មកមានការចាប់អារម្មណ៍ជាថ្មីឡើងវិញបន្ទាប់ពីមានកាសែតបានសើរ៉ើតារាដែលស្លាប់ទៅហើយប៉ុន្តែនៅបន្សល់បំណុលជាមួយនឹងធនាគារមិនទាន់ដោះស្រាយ។
ស្ដេចចម្រៀងប៉ុប (King Of Pop) Michael Jackson ត្រូវបានចោទប្រកាន់ថាជាប់ជំពាក់បំណុលក្រោយពេលលោកបានស្លាប់បាត់បង់ជីវិតកាលពីឆ្នាំ២០០៩។ ស្ដេចចម្រៀងប៉ុបរូបនេះបានជាប់បំណុលយ៉ាងច្រើនមហាសាលក្រោយពេលដែលលោកស្លាប់ នេះបើតាមការអះអាងពីភ្នាក់ងារគណនេយ្យបានបញ្ជាក់កាលពីឆ្នាំ២០១៣ ចេញផ្សាយដោយកាសែត The Los Angeles Times។ ប្រធានបទជំពាក់ប្រាក់នេះបានផ្ទុះចេញមកក្រៅនៅឆ្នាំ២០១៣ នៅក្នុងការជំនុំជំរះក្ដីការស្លាប់របស់ Michael Jackson។
លោក William R. Ackerman ដែលជាគណនេយ្យករបានធ្វើការចោទប្រកាន់ Jackson ត្រូវបានបង្ខំឱ្យបង់ប្រាក់ប្រចាំឆ្នាំ៣០លានដុល្លារ។ លោក William បានពន្យល់ថាទ្រព្យសម្បត្តិរបស់ស្ដេចចម្រៀងប៉ុបនេះទៅណា? លោកចំណយទៅការប្រាក់បំណុលដែលលោកជំពាក់និងការចាយវាយហ៊ឺហាររបស់លោក។
«គាត់ចំណាយប្រាក់ច្រើនទៅលើគ្រឿងអលង្ការ» នេះគឺជាសម្ដីរបស់លោក William R.Ackerman ក្នុងកំឡុងពេលកាត់ក្ដីជំនុំជំរះ។ Jackson ទទួលបានចំណែកពីការលក់ចម្រៀងរបស់លោក ប៉ុន្តែមិនគ្រប់គ្រាន់ឱ្យលោកសងបំណុលដែលលោកជំពាក់នោះទេ។ បំណុលដ៏ច្រើនលើសលប់នេះគឺចាប់ផ្ដើមតាំងពីឆ្នាំ១៩៩៤ ដោយចំនួនទឹកប្រាក់៣០លានដុល្លារ ហើយបន្តកើនឡើងយ៉ាងឆាប់រហ័ស ដូច្នេះនៅពេលលោកស្លាប់លោកនៅជាប់បំណុលរវាង ៤០០លានដុល្លារទៅ៥០០ដុល្លារអាមេរិក។
គួរដឹងថា Michael Jackson បានទទួលអនិច្ចកម្មនៅវ័យ៥០ឆ្នាំកាលពីកំឡុងខែមិថុនា ឆ្នាំ២០០៩ កាលណោះសម្ដេចចម្រៀងប៉ុបរូបនេះត្រៀមនឹងឡើង Concert ខួប៥០ឆ្នាំ នា The 02 Arena ក្នុងរដ្ឋធានីឡុងដុង ប្រទេសអង់គ្លេសដើម្បីរកចំណូលចូលកុងធនាគាររបស់លោកប៉ុន្តែគួរឱ្យស្ដាយដែលលោកមិនមានឱកាសនោះ៕
