ក្រុមជម្រើសកោះហុងកុង ជាគូប្រកួតប្រជែងមួយស្ថិតក្នុងពូល K ជាមួយកម្ពុជា សម្រាប់វគ្គជម្រុះជើងឯកយុវជនក្រោមអាយុ២៣ឆ្នាំប្រចាំទ្វីបអាស៊ី 2022 AFC U-23 Asian Cup ដែលនឹងចាប់ផ្ដើមក្នុងពេលឆាប់ៗនៅប្រទេសជប៉ុន។
បច្ចុប្បន្នក្រុមជម្រើសជាតិហុងកុង ក្រោមការដឹកនាំរបស់លោក Cheung Kin Fung អាចនឹងមានកម្រិតប្រហាក់ប្រហែលកម្ពុជា ឬអាចលើសខ្វះគ្នាបន្តិចបន្តួច ទោះបីពួកគេប្រើប្រាស់កីឡាករកូនកាត់ខ្លះក៏ដោយ ប៉ុន្តែអ្នកទាំងអស់នោះគឺលេងនៅក្នុងស្រុកទាំងអស់ មិនមានកីឡាករណាលេងក្រៅស្រុកឡើយ។
នេះគឺជាសមាសភាពកីឡាករទាំង២២រូបរបស់ក្រុមជម្រើសកោះហុងកុង៖
អ្នកចាំទី៖ Tse Ka Wing, Ngo Tin, Wong Ho (៣រូប)
ខ្សែការពារ៖ Chow Ka, Chan Matthew, Wong Ho, Chun Hin, Man Ching, Ka Chi (៦រូប)
ខ្សែបម្រើ៖ Lok Yin, In Chim, Tsz Kaai, Sai Kit, Cheuk Hei, Puk Kei,Yun Tung (៧រូប)
ខ្សែប្រយុទ្ធ៖ Man Hei, Chi Hong, Oi Hin, Hiu-Chung, Pui-Hin, Lok-Kan (៦រូប)។
សម្រាប់៤ប្រកួតចុងក្រោយរបស់ក្រុមជម្រើសជាតិហុងកុងអាយុក្រោម ២៣ឆ្នាំ៖
- ថ្ងៃទី០៥ ខែតុលា ឆ្នាំ២០២១ ហុងកុង (U23) 1:1 Resources Capital
- ថ្ងៃទី១០ ខែតុលា ឆ្នាំ២០២១ Eastern Long 7:0 ហុងកុង (U23)
- ថ្ងៃទី១៤ ខែតុលា ឆ្នាំ២០២១ Kwoon Chung 3:2 ហុងកុង (U23)
- ថ្ងៃទី១៧ ខែតុលា ឆ្នាំ២០២១ ហុងកុង (U23) 2:1 Hong Kong FC។
នៅក្នុងការប្រកួតចុងក្រោយក្រុមជម្រើសហុងកុងអាយុក្រោម ២៣ឆ្នាំបានរកឃើញជ័យជម្នះជាលើកដំបូងរបស់ពួកគេបន្ទាប់ពីចាញ់២ និងស្មើ១, ជាមួយនឹងការស៊ុតបាល់ប៉េណាល់ទីចុងក្រោយដោយខ្សែប្រយុទ្ធពាក់លេខ២០ Law Hiu-Chung។
ខាងក្រោមនេះគឺជាកាលវិភាគប្រកួតរបស់ U23 ហុងកុង ក្នុងពូល K នៃពាន 2022 AFC U-23 Asian Cup៖
-កម្ពុជា ជួប ហុងកុង នៅថ្ងៃទី២៣ ខែតុលា ឆ្នាំ២០២១ ម៉ោង ១១:០០ព្រឹក(ម៉ោងនៅកម្ពុជា) លើទីលានកីឡដ្ឋាន J-Village ប្រទេសជប៉ុន។
-ហុងកុង ជួប ជប៉ុន នៅថ្ងៃទី២៨ ខែតុលា ឆ្នាំ២០២១ វេលាម៉ោង ១១:០០ព្រឹក(ម៉ោងនៅកម្ពុជា) នៅកីឡដ្ឋាន J-Village ប្រទេសជប៉ុន។