រឿងភាគកូរ៉េដ៏ល្បីល្បាញ «Squid Game» ទោះជាបានបញ្ចប់ទៅហើយក្ដីប៉ុន្តែរឿងនេះនៅតែបន្តជោគជ័យនិងទាក់ទាញបាននូវប្រជាប្រិយភាព ការពេញនិយមជុំវិញពិភពលោកដដែល ព្រោះមានមនុស្សកាន់តែច្រើនបានចូលទស្សនារឿងមួយនេះតាមរយៈ App Netflix។
យោងតាមរយៈសារព័ត៌មាន Bloomberg News បានធ្វើការរាយការណ៍កាលពីថ្ងៃទី១៦ ខែតុលា កន្លងមក បានឱ្យដឹងថាមកដល់ពេលនេះ Netflix អាចចំណូលបាន ៨៩១,១លានដុល្លារអាមេរិក រាប់ចាប់តាំងពីបានដាក់ផ្សាយនៅលើ App Netflix ។
នៅក្នុងព័ត៌មានបានឱ្យដឹងថារឿងនេះចំណេញថវិការជាង៤០ដងលើសពីដើមទុនផលិតដែលចំណាយប្រាក់អស់ត្រឹមតែ២១,៤លានដុល្លារ ដោយក្នុងមួយភាគៗចំណាយប្រមាណជា២,៤លានក្នុងមួយភាគៗ។ សម្រាប់តម្លៃផលិតមួយភាគ២,៤លានដុល្លារ រឿងភាគនេះស្ដាប់ទៅចំណាយរាងខ្ពស់បន្តិច តែកន្លងមកៗ Netflix ធ្លាប់ចំណាយលុយបណ្ដាក់ទុនផលិតដល់៨លានដុល្លារ សម្រាប់ថតមួយភាគនៃរឿង «Stranger Things» ហើយចំណាយឡើងដល់១០លានដុល្លារសម្រាប់មួយភាគរឿងថត «The Grown» ដូច្នេះបើប្រៀបជាមួយនឹងរឿងទាំងពីរនេះ ចំណាយផលិត Squid Game នៅតិចតួចប៉ុណ្ណោះ។
យោងតាមការឯកសារផ្ទៃក្នុងបានបង្ហាញឱ្យដឹងថា មានមនុស្ស១៣២លាននាក់បានទស្សនារឿង Squid Game នេះច្រើនជាងពីរនាក់ក្នុងរវាង២៣ថ្ងៃក្រោយថ្ងៃផ្សាយដំបូង ហើយមានមនុស្សយ៉ាងហោច ៨៩ភាគរយ ទស្សនារឿងនេះមួយភាគ និងមានមនុស្ស៨៧លាននាក់ ឬប្រមាណ៦៦ភាគរយទស្សនារឿងនេះរហូតដល់ភាគបញ្ចប់។
គួរដឹងថា Squid Game គឺជាភាពយន្តភាគសញ្ជាតិកូរ៉េខាងត្បូង សរសេរនិងដឹកនាំរឿងដោយលោក Hwang dong Hyuk បោះទុនផលិតដោយNetflix៕
