រឿងជំពាក់បំណុលជាង៥៧ម៉ឺនដុល្លាររបស់អ្នកនាងខ្ញុង កំពុងតែផ្ទុះការចាប់អារម្មណ៍និងល្បីខ្លាំងក្នុងស្រទាប់មហាជន ដោយក្នុងនោះក៏មានឃើញសាធារណជន និងមិត្តសិល្បករមួយចំនួនបានចូលរួមចូលប្រាក់ ដើម្បីជួយដល់អ្នកនាងខ្ញុង ដែលកំពុងតែជំពាក់បំណុលគេវ័ណ្ឌក ប៉ុន្តែសម្រាប់អ្នកកំប្លែងរៀមច្បង បែរជាពោលពាក្យបែបនេះទៅវិញ នៅពេលបានដឹងដំណឹងអ្នកនាងខ្ញុង។
ថ្មីៗនេះ ផេករបស់អ្នកនាង គ្រត តារាកំប្លែងចាស់វស្សាមួយរូបក្នុងរង្វង់សិល្បៈបានចេញមកបង្ហាញពីចំណាប់អារម្មណ៍របស់ខ្លួនពាក់ព័ន្ធនឹងករណីជំពាក់ប្រាក់របស់អ្នកនាង ខ្ញុង យ៉ាងខ្លី ប៉ុន្តែមានន័យចាក់ដោតខ្លាំងគួរសមដែរថា៖ «ខ្ញុំអេីយសិល្បះជាង ៤០ឆ្នាំហេីយ នៅតែមិនពូកែសំដែងដូចខ្ញុងសោះ ហុឺ!!! ខូចសិល្បះគេអស់ហេីយអូន
»
មតិលើកឡើងរបស់តារាស្រីរូបនេះគឺធ្វើឡើងបន្ទាប់ពីកាលពីម្សិលមិញ (ថ្ងៃទី១៨ ខែតុលា ឆ្នាំ២០២១) អ្នកនាង ខ្ញុង បានចេញមក Live បកអាក្រាតការពិតថាខ្លួនបានក្ស័យធុននិង ជំពាក់បំណុលគេជុំទិសរហូតអស់លទ្ធភាពក្នុងការសងហើយ ព្រមទាំងអំពាវនាវឱ្យម្ចាស់បំណុលទាំងអស់ទុកផ្លូវរស់ឱ្យដល់ខ្លួនបានដកដង្ហើម ខ្លួនសន្យាថានឹងមិនគេចវេសហើយសងប្រាក់ជំពាក់ទាំងអស់។
សូមចុចអាន ស្រីខ្ញុង Live យំខ្សឹ.កខ្សួ.ល ប្រកាសក្ស័យធន ជាប់បំណុលជាង៥៧ម៉ឺនដុល្លារ!
សម្ដីត្រឹមតែមួយឃ្លារបស់រៀមច្បងជាតារាកំប្លែងរូបនេះទំនងជាត្រូវចិត្តសាធារណជនមួយចំនួនព្រោះនៅខាងក្រោមសំណេរដែលអ្នកស្រីបានផុសនោះមានអ្នកចូលមកឆ្លើយឆ្លងនិងគាំទ្រនូវការលើកឡើងនេះយ៉ាងច្រើន ដែលភាគច្រើនសម្ដែងការមិនពេញចិត្តនិងមិនគាំទ្រចំពោះទង្វើរបស់អ្នកនាងខ្ញុងនោះឡើយ។
«Ly Raksmey និយាយត្រង់អ្នកដែលជួយគេ1$នឹង ដែលសួរខ្លួនឯងអត់ ដែលអេាយអ្នកសុំទាន អ្នកពិការដល់2000រៀលនៅ? បានទៅជួយមនុស្សដែលចង់បានភាពហុឺហា របស់ទំនេីប មុខម៉ាត់ក្នុងសិល្បះខ្លាចគេថាអន់ដល់ទៅជំពាក់គេដល់ថ្នាក់ហ្នឹង? 57មុឺនដុល្លាណា មិនមែន 57 មុឺនរៀលទេ គឺអាចរស់នៅបានយ៉ាងស្រួលអស់មួយជីវិត។ មិនដឹងរកសុីប៉ុន្មានមុខជំនួញទេលេាកអេីយ
គួរអេាយខ្លាច។»
«Seng Kimhour សិល្បៈជំនាន់អ្នកមីងគ្រត ពូកុយ គឺថាមានតម្លៃ នឹងថ្លៃថ្នូរតែជំនាន់ឥលូវនេះត្រឡប់ត្រឡិនអស់ហេីយ(មួយក្ដាប់តូច)»
«Vothi Ka មីងគ្រតនិយាយត្រូវចិត្តក្មួយណាស់ យូៗទៅអ្នកសិល្បះនៅស្រុកខ្មែរ១ចំនួន ដូចអ្នកពិការអត់ដៃអត់ជេីងចឹង ដេីរសំលុយគេ នេះខ្ញុំនិយាយតែអ្នកសំដីលយ១ចំនួនទេ»
«ឈឿន បូរ៉ា យកលុយជួយក៏សាងសាលារៀននៅស្រុកខ្ញុំវិញល្អជាង»
នេះគ្រាន់តែជាទស្សនៈ និងមតិលើកឡើងមួយចំនួនតូចរបស់សាធារណជននិងអ្នកលេងហ្វេសប៊ុកដែលបានចូលមកបង្ហាញការយល់ឃើញរបស់ខ្លួនជុំវិញបញ្ហារបស់អ្នកនាង ខ្ញុង និងការលើកឡើងរបស់អ្នកនាង គ្រត ខាងលើនេះ។
គួរដឹងថាអ្នកនាង គ្រត គឺជាអ្នកកំប្លែងល្បីល្បាញអតីតដៃគូសម្ដែងជាមួយនឹងលោកនាយកុយ ក្នុងក្រុមកំប្លែងនាយកុយ លោកស្រី សាងកេរ្តិ៍ឈ្មោះល្បីល្បាញតាមរយៈការដើរតួជានាងគ្រត ប្រពន្ធនាយជ័យ នៅក្នុងរឿងជ័យគ្រត ជាមួយនឹងលោក ជួង ជី ហៅនាយកុយ ហើយអ្នកស្រីក៏បានជាប់ឈ្មោះហៅក្រៅថា គ្រត គ្រត រហូតមកដល់បច្ចុប្បន្ន៕
