នៅថ្ងៃទី២០ ខែតុលា ឆ្នាំ២០២១ នេះ Kim Seon Ho បានចេញលិខិតសុំទោសជាផ្លូវការសុំទោសចំពោះអតីតមិត្តស្រីរបស់លោកដោយសន្មតថា «A» ក្រោយផ្ទុះរឿងអាស្រូវចោទប្រកាន់ពីរឿងជីវិតឯកជនរបស់រូបគេ។
ខាងក្រោមនេះគឺជាខ្លឹមសារលិខិតសុំទោសរបស់ Kim Seon Ho ៖
«ខ្ញុំបាទ Kim Seon Ho។ ជាបឋម ខ្ញុំសូមអភ័យទោសចំពោះលិខិតសុំទោសដែលបានចេញយឺតពេល។ នៅពេលខ្ញុំបានឃើញព័ត៌មានចុះផ្សាយមានឈ្មោះរបស់ខ្ញុំកាលពីប៉ុន្មានថ្ងៃមុន ខ្ញុំពិតជាខ្លាចណាស់ ដោយជីវិតខ្ញុំមិនដែលខ្លាចបែបនេះឡើយ ដូច្នេះទើបខ្ញុំទើបតែបានសរសេរលិខិតនេះនៅពេលនេះ
ខ្ញុំបានស្រលាញ់នារីម្នាក់នេះ ប៉ុន្តែនៅក្នុងទំនាក់ទំនងពួកយើង ខ្ញុំបានធ្វើឱ្យនារីម្នាក់នេះឈឺចាប់ ព្រោះតែខ្ញុំអសមត្ថភាពនិងខ្វះការពិចារណា។ ខ្ញុំសង្ឃឹមថានឹងបានជួបនាងម្ដងទៀតដើម្បីបានសុំទោសនាង ប៉ុន្តែពេលនេះខ្ញុំមិនអាចធ្វើដូច្នេះបានទេ ខ្ញុំនឹងរង់ចាំពេលវេលាណាមួយដែលខ្ញុំមានឱកាសបានសុំទោសនាង
ប៉ុន្តែនៅក្នុងពេលនេះ ខ្ញុំសង្ឃឹមថាខ្ញុំអាចសុំទោសតាមរយៈសំបុត្រនេះ។ ខ្ញុំចង់សុំទោសចំពោះអ្នកដែលជឿទុកចិត្តលើខ្ញុំ ហើយតែងតែលើកទឹកចិត្តខ្ញុំរហូតដល់ទីបំផុត ហើយសុំទោសដែលធ្វើឱ្យអ្នករាល់គ្នាខកចិត្ត។ ខ្ញុំអាចឈរឈ្មោះជាតារាសម្ដែង Kim Seon Ho ព្រោះតែអ្នករាល់គ្នាគាំទ្រខ្ញុំ ប៉ុន្តែខ្ញុំបែរភ្លេចការពិតនេះ។ ខ្ញុំសុំយកពេលនេះមកសុំទោសចំពោះមនុស្សជាច្រើនដែលបានធ្វើការងារជាមួយខ្ញុំ ហើយរងផលប៉ះពាល់ដោយសារតែខ្ញុំបង្ករកំហុស
ជាថ្មីម្ដងទៀត ខ្ញុំសុំទោសចំពោះអ្នករាល់គ្នាដែលឈឺចាប់ដោយសារតែបញ្ហាមួយនេះ ខ្ញុំដឹងថាការនិយាយរវើរវាយបែបនេះមិនអាចចូលដល់មនុស្សជាច្រើនទេ ប៉ុន្តែខ្ញុំសុំបង្ហាញគំនិតដ៏ស្មោះត្រង់របស់ខ្ញុំគ្រប់វិធីសាស្ត្រដែលខ្ញុំអាចធ្វើបាន។ ខ្ញុំពិតជាសុំទោសណាស់។»