Song Hye Kyo និង Jang Ki Yong សម្លឹងមើលក្រសែភ្នែកគ្នាទៅវិញទៅមកនៅក្នុងវីដេអូផ្សព្វផ្សាយពាណិជ្ជកម្មរឿងភាគថ្មីរបស់ទូរទស្សន៍ SBS ផ្ទុះការចាប់អារម្មណ៍ខ្លាំង។
នៅក្នុង teaser ទីមួយរបស់រឿងភាគ «Now We Are Breaking Up» ដែលសម្ដែងដោយ Song Hye Kyo និង Jang Ki Yong បង្ហាញពីតួអង្គទាំងពីរសម្លឹងភ្នែកគ្នានៅក្រោមដំណក់ទឹកភ្លៀង។
កាលពីថ្ងៃទី១៩ ខែតុលា វីដេអូ teaser រឿង «Now, We Are Breaking Up» បានចេញផ្សាយជាលើកដំបូង ដោយក្នុងវីដេអូនោះតួឯកប្រុសស្រីទាំងពីរឈរក្រោមតំណក់ទឹកភ្លៀង សម្លឹងភ្នែកគ្នាទៅវិញទៅមក។ នៅក្នុងវីដេអូខ្លីនោះតួអង្គទាំងបង្ហាញពីអារម្មណ៍ស្នេហា ការឈឺចាប់។ រឿង Now We are breaking up បរិយាយពីរឿងរ៉ាវស្នេហា និងការបែកបាក់គ្នានៅក្នុងឧស្សាហកម្ម fashion ។
រឿងភាគ «Now, We Are Breaking Up» នឹងផ្សាយឱ្យទស្សនិកជនបានទស្សនានៅថ្ងៃទី១២ ខែវិច្ឆិកា ឆ្នាំ២០២១ ខាងមុខនេះតាមរយៈស្ថានីយទូរទស្សន៍ SBS៕