ក្រុមជម្រើសជាតិជប៉ុនអាយុក្រោម២៣ឆ្នាំ ទទួលបាន៣ពិន្ទុសម្រាប់ការប្រកួតនៅក្នុងពូល K ក្រោយលត់ក្រុមជម្រើសជាតិកម្ពុជាអាយុក្រោម២៣ឆ្នាំក្នុងលទ្ធផល ៤-០ វគ្គជម្រុះពានរង្វាន់ AFC U23 Asian Cup នៅប្រទេសជប៉ុន ទីលាន J-Village នៅថ្ងៃអង្គារ ទី២៦ ខែតុលា ឆ្នាំ២០២១។
នេះជាជ័យជម្នះលើកទី២ហើយរបស់ក្រុមយុវជនជប៉ុន លើក្រុមកម្ពុជា បន្ទាប់ពីឈ្នះលើកទី១ កាលពីជម្រុះក្នុងឆ្នាំ២០១៧ នៅទីក្រុងភ្នំពេញ ប្រទេសកម្ពុជា ដែលកាលនោះក្រុមជប៉ុន យកឈ្នះកម្ពុជា ២-០ នៅពហុកីឡដ្ឋានជាតិអូឡាំពិក។
តារាងចំណាត់ថ្នាក់បណ្តោះអាសន្នសម្រាប់ពូល K៖
១. ជប៉ុន មាន៣ពិន្ទុ (នៅសល់១ប្រកួតទៀតក្នុងដៃ)
២. កម្ពុជា មាន៣ពិន្ទុ
៣. ហុងកុង មាន០ពិន្ទុ (នៅសល់១ប្រកួតទៀតក្នុងដៃ)។
អត្ថបទពាក់ព័ន្ធ៖កម្ពុជា ឈ្នះហុងកុង ជាលើកទី២ ក្នុងវគ្គជម្រុះជើងឯកកម្រិតទ្វីប AFC U23 Asian Cup
ការប្រកួតបន្ទាប់នៅក្នុងពូល K ក្រុមជម្រើសជាតិហុងកុង ជួប ក្រុមជម្រើសជាតិជប៉ុន នៅថ្ងៃទី២៨ ខែតុលា ឆ្នាំ២០២១ វេលាម៉ោង ១១:០០ព្រឹក(ម៉ោងនៅកម្ពុជា) នៅកីឡដ្ឋាន J-Village ប្រទេសជប៉ុន។