ទស្សនាវដ្ដី The Sun របសអង់គ្លេសបានធ្វើសេចក្ដីរាយការណ៍ព័ត៌មានស្ដីពី Jason Momoa តួឯកប្រុសដ៏ល្បីពីភាពយន្ត «Aquaman» ថាបានឆ្លងកូវីដ-១៩ នៅពេលដែលលោកកំពុងតែថតរឿងនេះវគ្គទីពីរនៅប្រទេសអង់គ្លេស ក្រោយពីលទ្ធផលពិនិត្យវិជ្ជមានលោកកំពុងតែធ្វើចត្តាឡីស័ក។
ក្រៅពីនេះព័ត៌មានក៏បានផ្សាយទៀតថាភាពយន្ត Aquaman And The Lost Kingdom ឬ Aquaman 2 ដែលបានទៅថតនៅតំបន់ Hertfordshire ស្ថិតនៅទិសខាងកើតប្រទេសអង់គ្លេស ក្បែរទីក្រុងឡុងដ៍ តែងតែមានការត្រួតពិនិត្យរកជំងឺកូវីដឱ្យក្រុមការងារថត ក៏ដូចជាតារាសម្ដែងជាប្រចាំ ប៉ុន្តែតួឯកប្រុសស្រាប់តែមកឆ្លងជំងឺនេះទាល់តែបាន។
ទោះជាយ៉ាងនេះក្ដី ប្រភពពីខាងក្នុងបានបង្ហើបឱ្យដឹងថាសំណាងល្អដែល Jason មិនមានអាការៈអ្វីធ្ងន់ធ្ងរ ហើយពេលនេះក៏បានធ្វើចត្តាឡីស័ក ដាក់ខ្លួនឯងឱ្យនៅដាច់ដោយឡែកពីអ្នកដទៃតាមវិធានសុវត្ថិភាពក្រោយពិនិត្យឃើញមានវិជ្ជមាន៕