Ariana Grande តារាចម្រៀងល្បីម្ចាស់បទ «Thank You, Next» ទើបតែចំណេញលុយ៣សែននដុល្លារចូលក្នុងកុងធនាគារក្រោយទិញវីឡានៅ Hollywodd Hills បានត្រឹមតែរយៈពេលជាង១ឆ្នាំប៉ុណ្ណោះ។
តារាស្រីវ័យ២៨ឆ្នាំរូបនេះទើបចូលទៅរស់នៅក្នុងវីឡានោះកាលពីរដូវក្ដៅឆ្នាំមុន ប៉ុន្តែពេលនេះ Ariana ចំណេញប្រាក់៣សែនដុល្លាររួចទៅហើយ ក្រោយលក់ផ្ទះនៅចេញវិញ។
យោងតាមសារព័ត៌មាន TMZ បានឱ្យដឹងថាផ្ទះវីឡាដែលមានបន្ទប់គេង៤ បន្ទប់ទឹក៥ មានគ្រឿងសង្ហារឹមទំនើបៗ អាងហែលទឹក បន្ទប់ហាត់ប្រាណ បានលក់ចេញវិញ ក្រោយពី Ariana ទិញត្រឹមតែជាង១ឆ្នាំ ក្នុងតម្លៃ១៣.៧លានដុល្លារអាមេរិក។
គួរដឹងថា Ariana Grande បានរៀបការជាមួយនឹងស្វាមីអាយុប្អូន Dalton Gomez វ័យ២៦ឆ្នាំ លក្ខណៈឯកជនបែបស្ងប់ស្ងាត់នៅក្នុងផ្ទះរស់នៅឯ Montecito (California) និងអញ្ជើញភ្ញៀវចូលរួមត្រឹមតែ២០នាក់ប៉ុណ្ណោះ។ អ្នកទាំងពីរចាប់ផ្ដើមស្គាល់និងសេពគប់គ្នាកាលពីខែ មករា ឆ្នាំ២០២០៕
ខាងក្រោមនេះជារូបភាពពីក្នុងវីឡាដ៏ទំនើបរបស់ Ariana Grande ដែលបានលក់ចេញ៖
