Reuters បានធ្វើសេចក្ដីរាយការណ៍ថា Paris Hilton តារាសម្ដែង Celebrity ជនជាតិអាមេរិកកាំង និងជាទាយាទសណ្ឋាគារ Conrad Hotels and Resorts វ័យ៤០ឆ្នាំ បានសម្រេចចិត្តលះបង់ឈ្មោះនៅលីវ ហើយដើរចូលទ្វារអាពាហ៍ពិពាហ៍ជាមួយនឹងគូស្នេហ៍លោក Carter Reum បុរសជាអ្នកធុរកិច្ចវ័យ៤០ឆ្នាំ ដូចគ្នាក្រោយបានសេពគប់គ្នារយៈពេល២ឆ្នាំ និងបានភ្ជាប់ពាក្យតាំងពីខែកុម្ភៈ។
Paris Hilton បានផុសនិយាយពីអាពាហ៍ពិពាហ៍របស់ខ្លួនដែលបានរៀបចំនៅទីក្រុង Los Angeles រដ្ឋ California សហរដ្ឋអាមេរិក នៅក្នុង Blog របស់ខ្លួនកាលពីសប្ដាហ៍កន្លងទៅនេះថា «អាពាហ៍ពិពាហ៍នេះប្រៀបដូចជាក្នុងរឿងនិទានដែលបានក្លាយជាការពិត ហើយខ្លួនស្ទើរតែមិនជឿទេថា នៅទីបំផុតអ្នកនាងបានក្លាយជាភរិយា»
«នៅទីបំផុត ខ្ញុំក៏បានទទួលស្នាមថើបពីព្រះអង្គម្ចាស់របស់ខ្ញុំ ហើយចាប់ផ្ដើមជីវិតដោយសុភមង្គលតាមដែលខ្ញុំធ្លាប់ស្រម៉ៃតាំងពីក្មេង» ដោយខណៈនោះ Hilton បាន Tweet រូបរបស់ខ្លួនក្នុងឈុតកូនក្រមុំ Oscar De la Renta Lace ថា «ជីវិតជាភរិយា»
តាមព័ត៌មានបានរាយការណ៍ថាពិធីអាពាហ៍ពិពាហ៍បានរៀបចំឡើងនៅលើក្នុងភូមិគ្រឹះគ្រួសារ Hilton មានអ្នកល្បីៗចូលរួមដូចជា Kim Kadashian, Nicole Richie, Paula Abdul, ដោយមានតារាចម្រៀង Demi Lovato ចូលរួមច្រៀងក្នុងពិធីពិសារអាហារ។ យោងតាមសារព័ត៌មាន TMC បានរាយការណ៍ កូនក្រមុំបានផ្លាស់ប្ដូរឈុតសំលៀកបំពាក់រហូតដល់ទៅ ៤ឈុត ក្នុងថ្ងៃអាពាហ៍ពិពាហ៍។
Paris Hilton គឺជាចៅស្រីរបស់ម្ចាស់សណ្ឋាគារ Conrad Hotels and Resorts នារីដែលជាបុគ្គលល្បីរូបនេះធ្លាប់មានលេចចេញព័ត៌មានអាស្រូវ នៅពេលដែល Sex Tape របស់នាងបានបែកធ្លាយចេញមកខាងក្រៅកាលពីឆ្នាំ ២០០១ ហើយក្រោយមកអ្នកនាងមានកម្មវិធី Reality មួយឈ្មោះថា «A Simple Life» និងថ្មីៗកំពុងតែផ្សាយផ្ទាល់កម្មវិធី Reality ថ្មីមួយឈ្មោះ «This is Paris»។ ក្រៅពីនេះ Paris ក៏នៅមានធុរកិច្ចក្នុងដៃជាច្រើនទៀតដូចជា ទឹកអប់ សំលៀកបំពាក់ Fashion និងផលិតផលផ្សេងៗជាច្រើនទៀត។
ចំណែកជីវិតស្នេហាវិញ Paris Hilton ធ្លាប់មានសង្សារជាច្រើននាក់ក្នុងនោះមាន Nick Carter តារាចម្រៀងវ័យ ៤១ឆ្នាំ, Benji Madden តន្ត្រីករអាមេរិកកាំងវ័យ៤២ឆ្នាំ និងធ្លាប់ឆ្លងកាត់ភ្ជាប់ពាក្យចំនួន៣ដងរួចមកហើយ ដោយធ្លាប់ភ្ជាប់ពាក្យជាមួយនឹង Chris Zylka តារាសម្ដែងអាមេរិកកាំងវ័យ ៣៦ឆ្នាំ កាលពីឆ្នាំ ២០១៨, ភ្ជាប់ពាក្យជាមួយនឹង Paris Latsis ទាយាទមហាសេដ្ឋីដឹកជញ្ជូនជនជាតិក្រិចកាលពីឆ្នាំ 2005 និងភ្ជាប់ពាក្យជាមួយនឹង Jason Shaw បានភ្ជាប់ពាក្យនៅឆ្នាំ ២០០៣៕