នៅក្នុងខណៈដែលប្រទេសថៃកំពុងតែរងនូវវិបត្តិការឆ្លងរីករាលដាលជំងឺ កូវីដ-១៩ គូស្នេហ៍តារា Mark Prin និង Kimberly ហាក់មិនបានព្រងើយកន្តើយនឹងស្ថានការណ៍នេះនោះទេ ព្រោះអ្នកទាំងពីរបានចាប់ដៃគ្នាផ្ញើម៉ាសពេទ្យ N95 ទឹកអាកុលលាងដៃ ព្រមទាំងធ្វើអាហារថ្ងៃត្រង់ជូនក្រុមគ្រូពេទ្យ គិលានុបដ្ឋាយិកា រាប់រយនាក់ ពេញមួយខែឧសភានេះ។
តារាទាំងពីរដួងនេះបានចាប់ដៃគ្នាទៅបរិច្ចាគឈាមនៅកាកបាទក្រហមដើម្បីជាកិច្ចអញ្ជើញឱ្យអ្នកដែលមានសុខភាពរឹងមាំទៅបរិច្ចាគឈាមឱ្យបានច្រើនគ្នាដើម្បីជួយដល់អ្នកជំងឺដែលគ្រោះថ្នាក់ អ្នកជំងឺដែលត្រូវការវះកាត់ និងអ្នកជំងឺផ្សេងៗទៀតដែលត្រូវការឈាមជាចាំបាច់។
សូមចុចត្រង់នេះ៖ Nine Naphat តួឯកប្រុស «Friend Zone» បំពេញក្ដីសុបិនធំជូនម្ដាយបានសម្រេច!
Mark ក៏បានថ្លែងឱ្យដឹងដែរពីមូលហេតុខ្លួនចាប់ដៃគូស្នេហ៍បរិច្ចាគឈាមនិងឧបករណ៍សម្ភារៈពេទ្យ៖ «ខ្ញុំនិង Kim ជឿថាបើយើង ចូលរួមជួយគ្នា ពួកយើងនឹងឆ្លងកាត់គ្រោះធំលើកនេះបាន សូមឱ្យយើងគ្រប់គ្នាកុំធ្វេសប្រហែស ពាក់ម៉ាស់ក្រណាត់ឬម៉ាសពេទ្យ លាងដៃឱ្យបានញឹកញាប់ ពួកយើងជាកម្លាំងចិត្តឱ្យគ្នាទៅវិញទៅមក តស៊ូទៅជាមួយគ្នា ឆ្លងកាត់ដំណាក់កាលនេះជាមួយគ្នា»។
ក្រៅពីតារាពីរដួងនេះនៅមានតារាល្បីៗជាច្រើនដួងទៀតនៅក្នុងប្រទេសថៃឡើយដែលបានចេញមកចូលរួមតស៊ូប្រយុទ្ធប្រឆាំងនឹងជំងឺកូវីដ-១៩ តាមរយៈការបរិច្ចាគជាថវិកានិងឧបករណ៍ប្រើប្រាស់ចាំបាច់ផ្សេងៗនៅក្នុងខណៈដែលប្រទេសថៃកំពុងផ្ទុះឡើងនូវរលកទីបីនៃជំងឺកូវីដ-១៩៕