បន្ទាប់ពីបែកធ្លាយដំណឹង LISA’s Blackpink ឆ្លងកូវីដ-១៩ ហើយផលិតកម្មរបស់តារាស្រីរូបនេះ YG Entertainment បានចេញសេចក្ដីប្រកាសអះអាងចំពោះករណីនេះថាជាការពិត ហើយសមាជិក៣រូបផ្សេងទៀត មិនថាជា Jennie ,Jisoo, និង Rose បានពិនិត្យសុខភាព និងធ្វើចត្តាឡីស័ករួចរាល់ហើយ ប៉ុន្តែរកមិនឃើញមានការឆ្លងនៅឡើយទេ ចំណែកសុខភាពរបស់ Lisa វិញមកទល់ពេលនេះនៅធម្មតានៅឡើយទេ។
ដំណឹងនេះបានធ្វើឱ្យមានការជជែកវែកញែកគ្នាឡើងពាក់ព័ន្ធនឹងដើមហេតុឆ្លងជំងឺកូវីដ-១៩ របស់តារាស្រីរូបនេះថា អាចទៅរួចដែរទេដែល LISA ឆ្លងជំងឺកូវីដ-១៩ ដោយសារតែកញ្ញាធ្វើដំណើរទៅធ្វើការនៅសហរដ្ឋអាមេរិក ជាមួយនឹង DJ Snake ដោយមានទាំងរូបភាពនិង Clip Video ថាកញ្ញាបានទៅលេង Club មួយកន្លែងក្នុង LA ជាមួយគ្នាថែមទៀតផង។
ចំណែកអ្នកគាំទ្ររបស់តារាស្រីរូបនេះវិញក៏មានការបង្កើត Hashtag #Getwellsoonlisa ព្រមទាំងផ្ញើកម្លាំងចិត្តមកដល់ Idol របស់ខ្លួនរហូតក្លាយជា Trend ល្បីល្បាញលំដាប់ពិភពលោកថែមទៀត។
ងាកមកប្រភពចម្លងកូវីដ-១៩ របស់ LISA វិញត្រូវបានអ្នកគាំទ្ររបស់កញ្ញាអះអាងថាមិនអាចទៅរួចនោះទេដែល LISA ឆ្លងកូវីដ-១៩ ពីអាមេរិកព្រោះការធ្វើដំណើរចូលប្រទេសកូរ៉េមានការត្រួតពិនិត្យម៉ត់ចត់ណាស់ ដូច្នេះបើកញ្ញាឆ្លងមកពីក្រៅប្រទេសមែន ប្រហែលជាមិនអាចទៅរួចទេ ជាងនោះទៀត DJ Snake ដែលធ្វើការជាមួយគ្នាក៏មិនបានឆ្លងជំងឺ Covid-19 ដែរ។
ថ្វីត្បិតតែមានរឿងនេះកើតឡើងក៏ពិតមែន តែការដាក់ការសង្ស័យថាកញ្ញាឆ្លងកូវីដពីទីណាមកនោះមិនមានភស្ដុតាងបញ្ជាក់អះអាងណាមួយច្បាស់លាស់ឡើយ ដូច្នេះមានតែរង់ចាំស្ដាប់ផលិតកម្ម YG Entertainment ចេញមកឆ្លើយតបនិងបកស្រាយចំពោះករណីនេះថាពិតឬមិនពិតយ៉ាងណាដែរ?