ទំនាក់ទំនងស្នេហារវាងតារាស្រីនាង Prang Kannaran (ម៉ែចន្ទវ៉ាត) ជាមួយតារាចម្រៀងប្រុសលោក Tong Twopee បានរឹតចំណងអស់រយៈពេល១០ឆ្នាំមកហើយ។ មានអ្នកគាំទ្រជាច្រើនបានចូលរួមសម្ដែងភាពត្រេកអរចំពោះតារាស្រី Prang Kannaran (ម៉ែចន្ទវ៉ាត) នៅពេលដែលតារាចម្រៀងប្រុស Tong Twopee លុតជង្គង់សុំនាងរៀបការ។ ដំណឹងល្អនេះ កើតបានឡើងស្របពេលដែលតារាស្រី Bella (ការ៉ាកេត) ធ្លាយដំណឹងបែកបាក់ស្នេហាជាមួយលោក Wier Soknawat ក្រោយមានឈ្មោះជាសង្សារ៩ឆ្នាំ។
ជាមួយគ្នានេះដែរ នាង Bella (ការ៉ាកេត) ក៏បានចូលទៅ Comment នៅលើអ៊ីស្ដាក្រាម សម្ដែងការត្រេកអរចំពោះតារាស្រី Prang Kannaran (ម៉ែចន្ទវ៉ាត) ដែលធ្លាប់ជាក្រុមការងារសម្ដែងរឿង «បុព្វសន្និវាស» រួមគ្នា ដោយពោលថា «Awww Congrats na ម៉ែចន្ទវ៉ាត»។ ពាក្យ Comment របស់ Bella (ការ៉ាកេត) បានធ្វើឱ្យអ្នកគាំទ្រស្រងោះស្រងោចចិត្តខ្លាំងមែនទែន។
មានអ្នកគាំទ្របាន Comment បន្ដនៅពីក្រោម Comment តារាស្រី Bella(ការ៉ាកេត) ថា « Bella ចា៎! ចង់ឱ្យខ្ញុំលន្លង់លន្លោចបែបនេះណា ថ្ងៃប្រកាស សូមឱ្យជាដំណឹងល្អណា ស្រឡាញ់អ្នកទាំងពីរចេញពីចិត្ត»។ ខ្លះទៀតថា «គូ Bella ក៏ត្រូវដូចគូនេះណា កុំចែកផ្លូវគ្នាឱ្យសោះ»។ នៅមានខ្លះទៀតបន់ស្រន់ថា «សូមឱ្យគូ Bella វិលមករកគ្នាវិញនៅឆ្នាំទី១០ណា»។
សូមជម្រាបថា រហូតមកទល់ពេលនេះ ទំនាក់ទំនងស្នេហារបស់ Bella(ការ៉ាកេត) នៅមិនទាន់មានសារព័ត៌មានថៃបញ្ជាក់ឱ្យកាន់តែច្បាស់ និងស៊ីជ្រៅបាននៅឡើយទេ គឺមានតែអ្នកគាំទ្ររង់ចាំតាមដានបន្ដទៀត៕