ពានរង្វាន់បាល់ទាត់ AFF Suzuki Cup 2020 នឹងធ្វើឡើងនៅ ប្រទេសសិង្ហបុរី ចាប់ពីថ្ងៃអាទិត្យ ទី៥ ខែ ធ្នូ ឆ្នាំ២០២១ នេះតទៅ ហើយដែលមាន១០ក្រុមចូលរួមក្នុងវគ្គចែកពូល តែអ្វីដែលគួរឱ្យចាប់អារម្មណ៍នោះគឺមានកីឡាករចំនួន១៣រូបកំពុងប្រកបអាជីពនៅ ទ្វីបអឺរ៉ុប នឹងបង្ហាញខ្លួនជាមួយក្រុមជម្រើសជាតិរៀងៗខ្លួន ក្នុងពានរង្វាន់នេះ។
ឥណ្ឌូណេស៊ី មានកីឡាករ៣រូប៖
– បម្រើកណ្ដាល Elkan Baggott សមាជិកក្លិប Ipswich Town ក្នុង League 1 ដែលកំពុងខ្ចីជើងទីលីគលំដាប់ទី៥អង់គ្លេស King’s Lynn Town
– ខ្សែប្រយុទ្ធ Egy Maulana Vikri សមាជិកក្លិប FK Senica លីគកំពូលប្រទេសស្លូវ៉ាគី
– ខ្សែបម្រើ Witan Sulaeman សមាជិកក្លិប Lechia Gdańsk II នៅ លីគទី៥ប្រទេសប៉ូឡូញ។
ម៉ាឡេស៊ី មានកីឡាករ២រូប៖
– ស្លាបឆ្វេង Dion Cools នៅ ក្លិប Midtjylland ក្នុងលីគកំពូលប្រទេសដាណឺម៉ាក
– ខ្សែប្រយុទ្ធ Luqman Hakim សមាជិកក្លិប Kortrijk ក្នុងលីគកំពូលប្រទេសបែលហ្សិក។
ឡាវ មានកីឡាករ១រូប៖
– ខ្សែប្រយុទ្ធ Billy Ketkeophomphone ប្រកបអាជីពក្នុងក្លិប Dunkerque សមាជិកលីគទី២ប្រទេសបារាំង។
ថៃ មានកីឡាករ៣រូប៖
– បម្រើប្រយុទ្ធ Thanawat Seungchitthawon សមាជិកក្លិប Leicester City F.C នៅលីគកំពូលអង់គ្លេស
– អ្នកចាំទី Kawin Thamsatchanan សមាជិកក្លិប OH Leuven ក្នុងលីគកំពូលប្រទេសបែលហ្សិក
– ខ្សែបម្រើកណ្ដាល Jonathan Khemdee ក្នុងក្លិប Odense Boldklub នៅលីគកំពូលដាណឺម៉ាក។
ហ្វីលីពីន មានកីឡាករ៣រូប៖
– ខ្សែបម្រើ Harry Föll នៅក្លិប Villingen លីគលំដាប់ទី៥នៅ អាល្លឺម៉ង់
– ខ្សែការពារ Jesper Nyholm សមាជិកក្លិប IK Sirius ក្នុងលីគកំពូលប្រទេសស៊ុយអែត
– ខ្សែប្រយុទ្ធ Ángel Guirado សមាជិកក្លិបSt Joseph’s ក្នុងប្រទេស Gibraltar។
សិង្ហបុរី មានកីឡាករ១រូប៖
-ខ្សែប្រយុទ្ធ Ikhsan Fandi វ័យ២២ឆ្នាំ ប្រកបអាជីពនៅក្លិប Jerv ក្នុងលីគកំពូលនៃប្រទេសន័រវែស៕
