តារាសម្ដែងស្រី Ching Ching Kharittha ត្រូវបានជាប់ការសង្ស័យជាជនទី៣ ចូលមកច្រៀតជ្រែកទំនាក់ទំនងស្នេហារបស់នាង Bella Ranee និងលោក Weir Sukollawat។ តារាស្រីរូបនេះ ត្រូវបានហ្វេនអ្នកគាំទ្រសង្ស័យតាំងពី ២ឆ្នាំមុនមកម្លេះ ថានាងជាជនទី៣បូកផ្សំនឹងរឿងផ្ទះរយន្ដជាដើមហេតុ។
មានព័ត៌មានជាច្រើនរបស់ថៃបានលើកឡើងថា នាង Bella Ranee និងលោក Weir Sukollawat ឈានដល់ដំណាក់កាលចែកផ្លូវគ្នានេះ ក៏ព្រោះតែរឿងផ្ទះរថយន្ដ ដោយភាគីខាងប្រុស លួចញ៉ាំនំខេករបស់តារាស្រីមុខស្រទន់ រហូតដល់ភាគីខាងស្រីចាប់បាននៅនឹងកន្លែង។ រហូតមកទល់ពេលនេះ នៅមិនទាន់មានព័ត៌មានបញ្ជាក់ច្បាស់ថា ជាតារាស្រីរូបនេះ ដែលបានលួចលាក់នៅក្នុងផ្ទះរថយន្ដនោះ។ ក៏ប៉ុន្ដែការចោទការសង្ស័យរបស់ហ្វេន គឺនៅតែបន្ដវាយប្រហារមកលើតារាស្រីខាងលើនេះដដែរ។
ដើម្បីបញ្ជាក់រឿងនេះ តារាសម្ដែងស្រី Ching Ching Kharittha បានចេញការបកស្រាយច្បាស់ៗថា ជនសង្ស័យជាជនទី៣ជាមួយលោក Weir Sukollawat គឺមិនមែនជានាងពិតប្រាកដណាស់ ព្រោះពេលនេះ នាងរវល់ថតរឿងភាគជាប់គ្នារយៈពេល ៧ថ្ងៃមកហើយ៕
