ពានរង្វាន់ AFF Suzuki Cup ត្រូវបានបង្កើតឡើងដំបូងនៅ ឆ្នាំ១៩៩៦ ដែលសិង្ហបុរី ធ្វើជាម្ចាស់ផ្ទះ (កាលនោះឈ្មោះ Tiger Cup) ដោយមាន១០ក្រុមចូលរួម ហើយបែងចែកជា២ពូល។ ខណ:ថៃ គឺជាម្ចាស់ជើងឯក ក្រោយយកឈ្នះមានម្ចាស់ផ្ទះ សិង្ហបុរី ក្នុងលទ្ធផល ១-០ នៅ កីឡដ្ឋាន National Stadium។
កម្ពុជាស្ថិតនៅ ពូល A ជាមួយ វៀតណាម, ឥណ្ឌូណេស៊ី, ឡាវ និង មីយ៉ាន់ម៉ា ដោយលេង៤លើក បរាជ័យទាំង៤លើក ហើយទាត់ចូលទីគេបាន១គ្រាប់ និងរបូតវិញ១២គ្រាប់។
ខណ:លោក នុត សូនី គឺជាកីឡាករដំបូងគេបង្អស់របស់ក្រុមជម្រើសជាតិកម្ពុជា ដែលអាចស៊ុតបញ្ចូលទីក្នុងពានរង្វាន់ AFF Suzuki Cup លើក្រុមវៀតណាម នៅ កីឡដ្ឋាន Jurong Stadium ក្នុងប្រទេសសិង្ហបុរី នៅ ថ្ងៃទី២ ខែកញ្ញា ឆ្នាំ១៩៩៦។ បច្ចុប្បន្ន លោក នុត សូនី គឺជាគ្រូជំនួយប្រចាំក្លិបអគ្គស្នងការដ្ឋាននគរបាលជាតិ (ប៉ូលិស) ក្នុងពានរង្វាន់លីគកំពូលកម្ពុជា។
