ថ្មីពេលនេះៗ កម្មវិធីល្បីប្រចាំទេសកូរ៉េ « You Quiz on the Block » បានជីកកកាយប្រវត្តិតារាចម្រៀងល្បីនៅក្នុង SNSD ឬ Girls’ Generation ដែលមានសមាជិកស្រីទាំងអស់ ៨នាក់នៅពេលនេះ។ ក្រុមចម្រៀង Girls’ Generation បានសាងភាពល្បីល្បាញក្នុងវិស័យចម្រៀង K-pop អស់រយៈជាង ១៤ ឆ្នាំមកហើយ។ ក្រុមចាស់វស្សានេះ នៅតែជាទីពេញចិត្តរបស់អ្នកគាំទ្រដដែរ តាមរយៈបទ «Gee» ដែលជាបទល្បីបំផុតនៅក្នុងអំឡុងឆ្នាំ ២០០។
អ្វីដែលគួរឱ្យអ្នកលេងបណ្ដាញសង្គម ក៏ដូចជាគាំទ្រក្រុមតារាស្រី Girls’ Generation នេះ ចាប់អារម្មណ៍ខ្លាំងបំផុតនោះគឺ រូបភាពរបស់តារាចម្រៀងស្រី Jessica Jung ត្រូវបានអ្នកជំនាញកាត់តរបស់កម្មវិធី You Quiz on the Block កាត់រូបភាពនាងចេញពីក្រុមក្នុងបទចម្រៀង «Gee»។ ទង្វើនេះ បានធ្វើឱ្យអ្នកគាំទ្រក្រុមចម្រៀងស្រីមួយនេះ ក្ដៅស្លឹកត្រចៀកយ៉ាងខ្លាំង ដោយចោទថា ទង្វើនេះជាទង្វើអាក្រក់បំផុត បើទោះបីជាឥលូវនេះគ្មានវត្តមាន តារាចម្រៀងស្រី Jessica Jung នៅក្នុងក្រុមខាងលើទៀតក៏ពិតមែន។ ក៏ប៉ុន្ដែក៏មានមតិមួយខាងទៀតលើកឡើងថា ការកាត់រូបភាពរបស់ Jessica គឺជារឿងត្រឹមត្រូវហើយ ព្រោះនាងលែងជាសមាជិកក្រុមដូចមុនទៀតហើយ។
គួររំលឹកដែរថា តារាចម្រៀងស្រី Jessica Jung បានចាកចេញពីក្រុមចម្រៀង Girls’ Generation ភ្លាមៗកាលពីឆ្នាំ២០១៤ ដោយសារតែផលិតកម្ម SM Entertainment បានបណ្ដេញនាងចេញពីក្រុម។ ពេលវេលាជាង ៧ឆ្នាំរបស់ Jessica នៅក្នុងក្រុម Girls’ Generation បានសាងកម្លាំងលើកទឹកចិត្តដល់អ្នកគាំទ្រជាច្រើន ហើយដំណឹងដែលនាងត្រូវផលិតកម្មបណ្ដេញយ៉ាងទាន់ហន់នោះ បានធ្វើឱ្យអ្នកគាំទ្រស្លត់ក្នុងអារម្មណ៍ជាខ្លាំង និងខ្លោចចិត្តអាណិតដល់រូបនាងជាពន់ពេក៕
សូមទស្សនាវីដេអូខាងក្រោមនេះ៖
