បវរកញ្ញាវៀតណាម កញ្ញា Nguyen Thuc Thuy Tien ដែលទើបតែឈ្នះមកុដនិងតំណែង Miss Grand International 2021 កាលពីថ្ងៃសៅ រ៍កន្លងទៅ នេះ បន្ទាប់ពីទទួលបានការអបអរសាទរនិងកោតស្ញប់ស្ញែងពីសំណាក់អ្នកគាំទ្រហើយនោះ នៅ ថ្ងៃនេះកញ្ញាបែរជាត្រូវបានក្រុមអ្នកគាំទ្រស្ថាប័នព្រះមហាក្សត្រ ឬអ្នករាជានិយមនៅ ក្នុងប្រទេសថៃសម្ដែងការមិនពេញចិត្ត ហើយកំពុងតែត្រៀមប្រមូលផ្ដុំគ្នាធ្វើបាតុកម្មនិងដាក់ញត្តិនៅ ស្ថានទូតវៀតណាមប្រចាំទីក្រុងបាងកកថែមទៀតផង។
សូមចុចអាន មកដឹងរឿងពិតជុំវិញកាយវិការ Miss Grand Vietnam លើកម្រាមដៃ៣ បាញ់ទម្លុះបេះដូងវេទិកា MGI 2021
យោងតាមផេក «ศูนย์รวมประชาชนปกป้องสถาบัน» ដែលជាផេកប្រមូលផ្ដុំក្រុមអ្នករាជានិយមបានបង្ហោះនៅ លើផេករបស់ខ្លួនប្រកាសថានឹងប្រមូលផ្ដុំគ្នាដាក់ញត្តិ និងធ្វើបាតុកម្មចំពោះបវរកញ្ញាវៀតណាម នៅ មុខស្ថានទូតវៀតណាមប្រចាំនៅ ទីក្រុងបាងកក នៅ ថ្ងៃអង្គារទី៧ ខែធ្នូ ឆ្នាំ២០២១ វេលាម៉ោង១០ព្រឹក។
តាមរយៈការស្រាវជ្រាវ ពីប្រភពផ្សេងៗពិសេសនៅ ក្នុង Comment ពីសំណាក់ជនជាតិថៃបានលើកឡើងពីមូលហេតុដែលឈានដល់ការប្រមូលផ្ដុំគ្នាធ្វើបាតុកម្មបណ្ដេញបវរកញ្ញាវៀតណាម ម្ចាស់ជ័យលាភី Miss Grand International 2021 ចេញពីប្រទេសខ្លួនគឺដោយសារតែបញ្ហានយោបាយ ពិសេសមានប្រជាជនថៃមួយចំនួនបានលើកឡើងថា ទង្វើរបស់បវរកញ្ញាវៀតណាមកំពុងប្រព្រឹត្តិល្មើសច្បាប់ បង្កឱ្យមានការបែងចែកទំនាក់ទំនងរវាងប្រទេសថៃនិងវៀតណាម ខណៈអ្នកខ្លះទៀតបានលើកជាមតិឱ្យកញ្ញាត្រលប់ទៅ ទាមទារសិទ្ធិសេរីភាពនៅ ក្នុងប្រទេសវៀតណាមជាមុនសិន ខណៈដែលអ្នកខ្លះទៀតលើកឡើងថាទង្វើនិងសកម្មភាពរបស់កញ្ញាមានចេតនា ញុះញង់ បង្កឱ្យមានការស្អប់ខ្ពើមប្រទេសនិងប្រទេស។ កាន់តែធ្ងន់ធ្ងរថែមទៀតនោះគឺមានអ្នកសំណូមពរឱ្យដកមកុដ និងបណ្ដេញស្រីស្រស់មកពីវៀតណាមនេះចេញពីទឹកដីថៃ។
ថ្វីត្បិតតែប្រជាពលរដ្ឋថៃមួយភាគធំដែលជាអ្នកស្នេហាព្រះរាជបល្ល័ង្គបានបង្ហាញការមិនពេញចិត្ត តែក៏នៅ មានប្រជាជនថៃផ្សេងទៀត ពិសេសក្រុមយុវវ័យដែលស្រលាញ់ប្រជាធិបតេយ្យនិងកំពុងតែស្រែកទាមទារប្រជាធិបតេយ្យនៅ ក្នុងប្រទេសថៃបានចេញមកការពារនិងបង្ហាញការហួសចិត្តចំពោះក្រុម «ศูนย์รวมประชาชนปกป้องสถาบัน» ដោយលើកឡើងថា បវរកញ្ញាវៀតណាមរូបនេះមិនបានធ្វើអ្វីខុសនោះឡើយ ហើយថែមទាំងសួរទៀតថាលើកម្រាមដៃ៣ ខុសច្បាប់ត្រង់ចំណុចណា? បើគ្រាន់តែលើកម្រាមដៃ៣ ដែលមានន័យថា «stop the war and violence» ឬ (បញ្ឈប់សង្គ្រាមនិងអំពើហិង្សា) ម្យ៉ាងទៀតសញ្ញាណនេះក៏មានប្រើនៅ ក្នុងភាពយន្តហូលីវូដ «The Hunger Games» ដោយក្រុមយុវជនទាំងនោះបានលើកឡើងថាអ្នកដែលចេញមកទាមទារទាំងនោះសុទ្ធតែមនុស្សចាស់ អត់មានការងារធ្វើ ឬមនុស្សល្ងង់ខ្វះចំណេះដឹង។
រូបភាពខាងក្រោមនេះគឺជារូបភាពដកស្រង់ពីផេក «ศูนย์รวมประชาชนปกป้องสถาบัน» ៖
