ក្រុមបាល់ទាត់ជម្រើសជាតិកម្ពុជា បានប្រកួតចាញ់ក្រុមឥណ្ឌូណេស៊ី ការប្រកួតទី២នៅ ក្នុងពូល B នៃពានរង្វាន់បាល់ទាត់ AFF Suzuki Cup 2020 ៤-២ នៅ យប់ថ្ងៃព្រហស្បត្តិ៍ ទី៩ ខែធ្នូ ឆ្នាំ២០២១ លើទីលានកីឡដ្ឋាន Bishan Stadium ក្នុងប្រទេសសិង្ហបុរី។
ការប្រកួតដែលកាត់សេចក្ដីដោយលោកអាជ្ញាកណ្ដាល Yaqoob Said Abdullah Baqi ជនជាតិអូម៉ង់ គ្រាប់បាល់ជ័យជម្នះរបស់ម៉ាឡេស៊ី រកបានដោយខ្សែបម្រើ Rachmat Iraianto នៅ នាទី៤ និងនាទី៣៣, ខ្សែបម្រើ Evan Dimas នៅ នាទី១៧ និងខ្សែបម្រើ Ramai Melvin Rumakiek នៅ នាទី៥៤។
ខណ:២គ្រាប់របស់គោព្រៃកម្ពុជា សម្រេចដោយការតែតបញ្ចូលទីរបស់ខ្សែការពារ យ៉ឺ សាហ្វី នៅ នាទី៣៧ និងបាល់ហ្វីឃីតពីចម្ងាយដោយខ្សែប្រយុទ្ធ ប្រាក់ មុន្នីឧត្តម នៅ នាទី៦០។
ការប្រកួតនៅ ក្នុងវគ្គទី២ កម្ពុជា ហាក់ធ្វើបានល្អជាពិសេសការគ្រប់គ្រងបាល់ និងបង្កើតឱកាសស៊ុតទៅ លើក្រុមឥណ្ឌូណេស៊ីបានច្រើន គឺផ្ទុយពីអ្វីដែលលោក Shin Tae-yong បាននិយាយមុនការប្រកួតថានឹងមិនឱ្យកម្ពុជាមានបាល់លេងស្រួលៗឡើយ។
អត្ថបទពាក់ព័ន្ធ៖គ្រូឥណ្ឌូណេស៊ី «យើងនឹងមិនឱ្យកម្ពុជាមានបាល់លេងស្រួលៗទេ»
សម្រាប់ប្រកួតបន្ទាប់កម្ពុជា ត្រូវជួបឡាវ វេលាម៉ោង៤:៣០នាទីល្ងាចថ្ងៃទី១៥ ខែធ្នូ ឆ្នាំ២០២១ និងចុងក្រោយ កម្ពុជា ជួបវៀតណាម នៅម៉ោង៧:៣០នាទីល្ងាចថ្ងៃទី១៩ ខែធ្នូ ឆ្នាំ២០២១ លើទីលានកីឡដ្ឋានជាមួយគ្នា៕
