កាលពីយប់មិញនេះ បេក្ខជន សួ វិចិត្រ ដែលមានដើមកំណើតនៅ ខេត្តពោធិ៍សាត់បានឆក់យកបេះដូងទស្សនិកជនឱ្យអាណិតខ្លោចចិត្ត តាមរយៈការរៀបរាប់ពីជីវិតសែនកម្សត់របស់លោក ដែលជាកូនកើតចេញពីត្រកូលក្រខ្សត់ មិនបានរស់នៅ ជាមួយនឹងម្ដាយនោះទេ តែត្រូវបានជីតាជួយរើសយកទៅ ចិញ្ចឹម ដូច្នេះក្នុងនាមជាកូនកំព្រាមួយរូបលោកត្រូវតស៊ូក្នុងជីវិតយ៉ាងខ្លាំង។
នៅ ក្នុងការប្រកួតប្រលងចម្រៀង Beat the Best របស់ស្ថានីយទូរទស្សន៍ហង្សមាស បេក្ខជនរូបនេះបានលើកយកបទចម្រៀងមួយបទរបស់លោក ឆាយ វីរៈយុទ្ធ មានចំណងជើងថា «កុំឱ្យគេឈឺចាប់ដោយសារបង» មកបកស្រាយ។
សំនៀងរបស់ សួ វិចិត្រ តាមរយៈបទ «កុំឱ្យគេឈឺចាប់ដោយសារបង» បានអន្ទងចិត្តធ្វើឱ្យគណៈកម្មការទាំង៤រូបសម្រេចចិត្តឱ្យលោកបន្តទៅ វគ្គបន្ទាប់ទៀត។ ចំណែកទស្សនិកជនពិសេសអ្នកគាំទ្ររបស់លោកវិញក៏ពេញចិត្តជាខ្លាំងចំពោះការសម្រេចចិត្តរបស់គណៈកម្មការដែរព្រោះគ្រប់គ្នាសុទ្ធតែទទួលស្គាល់សមត្ថភាពសំឡេងដ៏ផ្អែមពីរោះរបស់លោក។
សម្រាប់ សួ វិចិត្រ មិនត្រឹមតែជាបេក្ខជនម្នាក់ធម្មតានោះទេ ព្រោះកន្លងមកនេះលោកក៏ជាតារាចម្រៀង Youtube ដែលច្រើនច្រៀង Cover បទចម្រៀងរបស់តារាល្បីៗហើយមានចំនួន view ខ្ទង់លាន។ ចង់ដឹងថាបទចម្រៀងអ្វីខ្លះ សូមតាមដាននៅ ខាងក្រោមនេះ៖
១.លក់គោយន្ត
២.ឧបសគ្គស្នេហ៍
៣.បងកាន់ដៃអូន
៤.វិប្បដិសារី
៥.រស់ក្នុងសម្ពាធឯកា
៦.គ្មានលទ្ធភាព
៧.ស្រមោច
៨.សង្សារការចោល
៩.ស្លឹកឈើ
១០.ដាំចិត្តស្មោះចាំស្នេហ៍ក្បត់
