កាលពីយប់រំលងអធ្រាត្រឈានចូលថ្ងៃទី១៤ ខែធ្នូ ឆ្នាំ២០២១ មានកើតហេតុការណ៍គ្រោះថ្នាក់ចរាចរណ៍មួយ បង្កឡើងដោយរថយន្តស៊េរីទំនើប Range Rover បុករថយន្តព្រូសពីក្រោយ បណ្ដាលឱ្យខូចខាតទាំងសង្ខាង ដោយអ្នកបើកបររថយន្តបង្កហេតុនោះគឺជាអតីត VJ ពិធីករ និងផលិតករដ៏ល្បីមួយរូបប្រចាំស្ថានីយទូរទស្សន៍។
យោងតាមការឱ្យដឹងពីម្ចាស់រថយន្តរងគ្រោះ ដែលបើកបររថយន្តព្រូសពណ៌សពាក់ស្លាកលេខភ្នំពេញ 2AH-7048 បានរៀបរាប់ថាខ្លួនបានទៅញ៉ាំអីនៅម្ដុំផ្លូវភ្លោះផ្សារអូឬស្សីបន្ទប់ពីទទួលទានរួចរូបខ្លួន បានបើកបរចេញទៅ តាមបណ្ដោយផ្លូវព្រះមុនីវង្សក្នុងទិសដៅ ពីត្បូងទៅ ជើង លុះបើកមកដល់ចំណុចស្ដុបបេកាសេកែងនឹងផ្លូវសហព័ន្ធរុស្សីក៏បានឈប់ស្ដុប ស្រាប់តែមានរថយន្តស៊េរីទំនើបមួយគ្រឿងម៉ាក Range Rover ពណ៌សពាក់ស្លាកលេខ 2BK-8809 បើកបរដោយអតីតពិធីករនិងជាអតីតផលិតករកម្មវិធីរបស់ស្ថានីយទូរទស្សន៍មួយបុកពេញទំហឹងពីក្រោយបណ្ដាលឲ្យរថយន្តរងការខូចខាតទាំងសង្ខាងបន្ទាប់ពីបុករួចអ្នកបើកបររថយន្តរូបនោះមិនបានឈប់ទេដោយព្យាយាមបើករត់គេច រួចខ្លួនក៏បានបើករថយន្តដេញ ឃាត់ពីក្រោយបាននៅ ក្បែរទីស្ដីការគណៈរដ្ឋមន្ត្រីក្នុងសង្កាត់ស្រះចក។
ក្រោយពីកើតហេតុការណ៍គ្រោះថ្នាក់ខាងលើ សមត្ថកិច្ចនគរបាលប៉ុស្តិ៍ ស្រះចកបានចុះដល់ទីតាំងកើតហេតុ ហើយនាំរថយន្តទាំងពីរយកទៅ កាន់ប៉ុស្តិ៍រដ្ឋបាលនគរបាលដើម្បីធ្វើការសម្របសម្រួលឲ្យភាគីទាំងពីរ ដោយភាគីរថយន្តស៊េរីទំនើប Range Rover (តាប៊ុយ) សុខចិត្តចេញថ្លៃសងការខូចខាតចំនួន ៥០០ដុល្លារ ទៅកាន់ភាគីរថយន្តព្រូសដើម្បីបញ្ចប់រឿងកុំឱ្យវែងឆ្ងាយតទៅ មុខទៀត៕
ទស្សនាវីដេអូខាងក្រោមនេះ៖