ក្រុមបាល់ទាត់គីរីវង់សុខសែនជ័យ នៅព្រឹកថ្ងៃពុធ ទី១៥ ខែវិច្ឆិកា ឆ្នាំ២០២១ នេះបានប្រកាសចែកផ្លូវជាមួយកីឡាករទី៧ ប្រចាំក្លិប ខណៈក្រុមនៅខេត្តតាកែវ មួយនេះនៅមិនទាន់បង្ហាញពីសមាសភាពកីឡាករថ្មីនៅឡើយ។
កីឡាករដែលគីរីវង់សុខសែនជ័យ ប្រកាសចែកផ្លូវទាំង៧រូបមាន៖
១) សេង សារ៉ាវវុទ្ធី
២) Osmar (ប្រេស៊ីល)
៣) គង់ ចាន់វុទ្ធី (ផុតកិច្ចសន្យាខ្ចីជើង ជាមួយភ្នំពេញក្រោន
៤) Tardin (ប្រេស៊ីល)
៥) ចាន់ ឧត្តម
៦) អ្នកចាំទី ហេង បូរ៉ា
៧) ឯម ផាន់ណា
ជាមួយគ្នានេះដែរក្រុមគីរីវង់សុខសែនជ័យ បានប្រកាសចែកផ្លូវជាមួយលោកគ្រូបង្វឹកជនជាតិថៃ Ekapob Potisai ផងដែរ។
ចំពោះរដូវកាលឆ្នាំ២០២១ កន្លងទៅនេះគីរីវង់សុខសែនជ័យ បានបញ្ចប់រដូវកាលឆ្នាំ២០២១ ដោយឈរលេខ៨ ក្នុងចំណោមក្រុមជាសមាជិកទាំង១៣ ក្រោយប្រកួតបាន១៩លើក ឈ្នះបាន៤លើក ស្មើ១លើក និងចាញ់១៤លើក។ ចំណែកឯក្នុងពានរង្វាន់សម្តេចអគ្គមហាសេនាបតីតេជោ ហ៊ុន សែន វិញក្រុមដែលមានកីឡដ្ឋានក្នុងក្រុងដូនកែវ មួយនេះបានធ្លាក់ចេញត្រឹមវគ្គ១៦ក្រុមចុងក្រោយ បន្ទាប់ពីចាញ់អាស៊ីអឺរ៉ុប ៣-២៕