យោងតាមសារព័ត៌មានកូរ៉េបានចេញផ្សាយនៅពេលមុននេះបន្ដិច បានឱ្យដឹងថា សមាជិកម្នាក់នៅក្នុងក្រុមចម្រៀង Blackpink គឺនាង Jennie បានទទួលកាដូពិសេសពីក្រុមហ៊ុន Netflix នាឱកាសបុណ្យ Christmas។ បើទោះបីជាបុណ្យពិសេសចុងឆ្នាំនេះនៅមិនទាន់មកដល់ក៏ដោយ តែ Netflix គឺចង់បង្កភាពភ្ញាក់ផ្អើល Surprise ដល់តារាល្បីៗមួយចំនួនដែលមានក្នុងចង្កោមក្រុមហ៊ុនខ្លួន។
នៅក្នុងនោះដែរ Netflix បានបញ្ជូនកាដូពិសេសមួយឱ្យទៅកាន់ Jennie ដែលមានឈ្មោះថា « Money Heist »។ បើតាមការបង្ហោះរបស់ Jennie នៅលើ Instagram បានឱ្យឃើញថា ដំបូងឡើយតារារូបនេះហាក់ដូចជាសប្បាយចិត្តយ៉ាងខ្លាំងនៅពេលទទួលបានកាដូ Christmas ពីក្រុមភាពយន្ដដ៏ធំមួយនេះ។ តែដល់ពេលនាងបើកមើលកាដូនេះភ្លាម នាងស្រាប់តែនាងធ្លាក់ថ្លើមក្ឌុកហើយនិយាយថា «OMG my Heart Dropped! @netfilx»។ តែយ៉ាងណាមិញនាងក៏បានអរគុណដល់ Netflix ដែលបានជូនវ៉ាលីក្រហមនេះឱ្យនាង។
នៅពេលដែលតារាស្រី Jennie ទទួលបានកាដូពី Netflix បែបនេះ គឺធ្វើឱ្យហ្វេនមានការសង្ស័យថា Jennie អាចនឹងមានមុខក្នុងការសម្ដែងរឿង « Money Heist » ដែលជា Version កូរ៉េ។
គួរជម្រាបបន្ថែមថា ភាពយន្ដល្បីរបស់អេស្ប៉ាញ ដែលមានចំណងជើងថា « Money Heist » គឺជារឿងភាគសេរីតគ្នា ដែលនិយាយពីផែនការប្លន់ធនាគារដ៏ធំមួយ ដែលបានចាក់បញ្ជាំងតាំងពីឆ្នាំ ២០១៧ មកម្ល៉េះ ទាំងអស់មាន៥ រដូវកាល ហើយក៏បានក្លាយជាសេរីភាគដែលមានការទស្សនា និង គាំទ្រច្រើនបំផុតនៅលើ Netflix ។ ភាពយន្ដនេះ ក៏ត្រូវបានខាងក្រុមហ៊ុនទិញសិទ្ធបន្ដក្នុងផលិតជា Version កូរ៉េផងដែរ៕