មកទល់ចុងឆ្នាំ២០២១នេះ អូនតូច គឹម សីហ៍ មរកត ហៅ ម៉ូម៉ូ មានវ័យជិត ៣ឆ្នាំហើយ តែមួយប៉ុស្ដិ៍ៗ គឺមានសម្រស់មិនចាញ់អ្នកម្ដាយនោះទេ ជាពិសេសគឺថ្ពាល់ប៉ោងគួរឱ្យក្នាញ់តែម្ដង។
ហ្វេនបានដឹងថា នៅលើវិថីសិល្បៈហ្វេសសិន គ្រប់គ្នាតែងតែកោតសរសើរចំពោះជីវិតតារាសម្ដែងស្រី និងជាអ្នកម៉ាក់វ័យក្មេង គង់ ចាន់ស្រីមុំ ដែលមានគ្រួសារមួយយ៉ាងកក់ក្ដៅ ហើយពោរពេញដោយសុភមង្គល ព្រមទាំងទទួលបានការស្រឡាញ់ថ្នាក់ថ្នមពីស្វាមី។ លើសពីនេះ អ្នកម៉ាក់រូបនេះ ក៏តែងតែរៀបចំតុបតែងខ្លួនឱ្យអូនតូច ម៉ូម៉ូ នូវស្ទាយប្លែកបង្ហាញដល់ហ្វេនបានទស្សនាមិនចាញ់ខ្លួនឡើយ។
អូនតូច ម៉ូម៉ូ មានហ្វេសប៊ុកផេកផ្ទាល់ខ្លួន ដែលម៉ាក់និងប៉ាបានរៀបចំឱ្យ មានឈ្មោះ Kem Seimorokot_MOMO ។ ថ្មីៗនេះ ម៉ូម៉ូ ទើបតែបានទទួលកាដូពិសេសមួយមុនថ្ងៃ Chirstmas គឺនំខេករូបផ្ទះពីហាង TheCakee ។ ម៉ូម៉ូ បានបង្ហោះសារថា «ខ្ចូតមែនទែនអរគុណអ៊ីដាវTheCakee។ អូនស្រលាញ់ណាស់ខ្ចូតមែនទែន gingerbread house ពីអ៊ីដាវ TheCakee អូនមិនហ៊ានញាំទេស្អាតពេកទុកតាំងម៉ង 😍 Love u Dav Decorere »។
យ៉ាងណាមិញ ពីមួយសន្លឹកទៅមួយសន្លឹក ហ្វេនចូលចិត្តសរសើរ ម៉ូម៉ូ ណាស់ថា នៅក្មេងសោះ ប៉ុន្ដែបើនិយាយពីស្ទីលថតរូបវិញ ពូកែធ្វើមុខឃ្យូដៗណាស់ ជាក់ស្ដែងរូបថតច្រើនប៉ុស្ដិ៍ជាថតជាមួយប៉ាម៉ាក់ហ្នឹងតែម្ដង បង្ហោះលើហ្វេសប៊ុកម្ដងណា ឃើញថានាងតូចកាច់ស្ទីលឃ្យូដក្រមិចក្រមើមគួរឱ្យក្នាញ់កុំឱ្យចាញ់អ្នកម៉ាក់ ។ គួររំលឹកដែរ ក្រោយម៉ាក់សម្រាល ម៉ូម៉ូ ហើយ នាងតូចនេះ ទទួលបានការងារសិល្បៈភ្លែតតែម្ដង រហូតមានតម្លៃខ្លួនខ្ទង់ម៉ឺនដុល្លារ ពីការថតស្ពតពាណិជ្ជកម្ម៕
ទស្សនាវីដេអូនេះ៖