Youtuber ល្បីឈ្មោះមួយរូបរបស់កូរ៉េខាងត្បូងបានចេញមកទម្លាយពីអាថ៌កំបាំងនិងមូលហេតុពិតដែលនាំឱ្យក្រុម 2NE1 រំសាយក្រុម នោះក៏ដោយសារសមាជិកម្នាក់មានបញ្ហាជម្លោះជាមួយនឹងក្រុមហ៊ុន YG ហើយសម្រេចចិត្តចាកចេញមិនបន្តកុងត្រាជាមួយនឹងផលិតកម្មនេះ។
ក្រោយ CL បានឆ្លើយតបនៅក្នុងបទសម្ភាសន៍មួយថាកញ្ញាដឹងរឿងរំសាយក្រុម 2NE1 តាមរយៈព័ត៌មាននោះ លោក Lee Jin Ho ដែលជាអ្នកកាសែតលើ Youtube បានចេញមកទម្លាយការពិតពាក់ព័ន្ធនឹងរឿងរំសាយក្រុមនេះថាមកពីបញ្ហាជម្លោះរបស់ផលិតកម្មនិងសមាជិកក្រុមម្នាក់។
Gong Minzy 
Lee Jin Ho
កាលពីថ្ងៃទី២១ ខែធ្នូ ម្សិលមិញ លោកបានបង្ហោះវីដេអូដោយដាក់ឈ្មោះថា «The Truth of 2NE1 Disbandment» ដោយក្នុងវីដេអូនោះបង្ហាញពីការពិតនៃការរំសាយក្រុម ដោយលោកបានលើកពីហេតុការណ៍ជាបន្តបន្ទាប់ដែលនាំឱ្យសមាជិកទាំង៤រូបសម្រេចចិត្តដើរបែកផ្លូវគ្នា។
កាលពីឆ្នាំ២០១៦ Gong Minzy មានជម្លោះជាមួយនឹងផលិតកម្ម YG Entertainment ក្នុងកំឡុងពេលដែលកញ្ញានិងផលិតកម្មកំពុងសិក្សារឿងបន្តកុងត្រាថ្មី ដូច្នេះជាទីបញ្ចប់ Minzy បានចាកចេញពីក្រុម 2NE1។ ការដកខ្លួនចេញពីក្រុមរបស់ Mizy ធ្វើឱ្យកញ្ញារងនូវការរិះគន់យ៉ាងខ្លាំងរហូតដល់ឪពុករបស់កញ្ញាឆ្លើយតបថា «បើសិនជាអ្នកប្រើប្រាស់ប្រព័ន្ធផ្សព្វផ្សាយ ខ្ញុំនឹងបើកសន្និសីទ្ធហើយបង្ហាញការពិត។ ខ្ញុំកំពុងព្យាយាមឱ្យរឿងបែកគ្នាចប់ដោយរលូន»។
ជម្លោះដ៏ជ្រាលជ្រៅរវាង Minzy និង ផលិតកម្មបានឈានដល់សូម្បីតែបទចម្រៀង «Goodbye» ដែលជាបទចម្រៀងលារបស់ក្រុមនេះក៏មិនមានវត្តមានរបស់ Minzy ដែរ។ Youtuber រូបនេះបានទម្លាយដែរថាការពិតសមាជិក៣រូបដែលនៅសល់បានត្រៀមខ្លួនដើម្បីចេញអាល់ប៊ុមចម្រៀងថ្មីដែរ ប៉ុន្តែដំណើរការមិនល្អសោះ។ ប៉ុន្តែក្នុងចំណោមសមាជិក៣រូបនោះ នឹងមានសមាជិកមួយរូបនឹងចេញបទចម្រៀងរបស់ខ្លួន ប៉ុន្តែលោកមិនបានបញ្ជាក់ទេថាជាម្នាក់ណា?
នៅក្នងវីដេអូនោះដែរលោកបានបង្ហាញថា CEO Yang បានព្យាយាមយ៉ាងខ្លាំងដើម្បីឱ្យ 2NE1 ដែលមានសមាជិកត្រឹម៣នាក់ត្រលប់មកវិញ ប៉ុន្តែដោយសារតែពិបាកគ្រប់គ្រងលើសមាជិកពេកទើបលោកសម្រេចចិត្តបោះបង់ចោលក្រុមនេះតែម្ដងទៅ ម្យ៉ាងវិញទៀតដោយសារតែ
យ៉ាងណាមិញ Youtuber Lee Jin Ho បានរិះគន់ដល់ផលិតកម្ម YG Entertainment ដែលប្រកាសរំសាយក្រុមចម្រៀង 2NE1 ចោលដោយមិនបានពិភាក្សាជាមួយនឹងសមាជិកទាំងអស់ជាមុនសិន៕
