ក្រុមបាល់ទាត់ខេត្តព្រៃវែង គិតត្រឹមរសៀលថ្ងៃអង្គារ ទី២១ ខែធ្នូ ឆ្នាំ២០២១ នេះបានប្រកាសចែកផ្លូវជាមួយកីឡាករ៥រូប ខណ:ក្លិបជើងឯកពានសម្តេចថ្នាក់ខេត្តឆ្នាំ២០២០ មួយនេះនៅមិនទាន់បង្ហាញពីសមាសភាពកីឡាករថ្មីនៅឡើយ។
កីឡាករដែលខេត្តព្រៃវែង ប្រកាសចែកផ្លូវទាំង៥រូបមាន៖
១) គី រីណា
២) វីរ: ដារ៉ា
៣) មាន រតនា
៤) កឹម សុបញ្ញា
៥) ភេម តៅសិញ។
រដូវកាល២០២១ ក្លិបព្រៃវែង ក្រោមការដឹកនាំរបស់លោក Thongchai ធ្វើមិនសូវបានល្អឡើយ បន្ទាប់ពីបញ្ចប់ចំណាត់ថ្នាក់ទី១២ ក្នុងចំណោមក្លិបទាំង១៣ នៅក្នុងលីគកំពូលកម្ពុជា ខណ:ពានសម្តេចតេជោ ធ្លាក់ត្រឹមវគ្គ១៦ក្រុមចុងក្រោយ ក្រោមថ្វៃជើងរបស់អង្គរថាយហ្គឺរ ក្នុងលទ្ធផល ២-០ នៅកីឡដ្ឋាន SRU នាទឹកដីសៀមរាប៕
