លោក ខេមរ: សិរីមន្ត និងភរិយា កំពុងទទួលបានការគាំទ្រ និងកោតសរសើរពីហ្វេនអ្នកគាំទ្រជាខ្លាំង ក៏ដូចជាមហាជនអ្នកប្រើប្រាស់បណ្តាញសង្គមហ្វេសប៊ុកជាច្រើននាក់ ខណៈដែលលោកបានបង្ហាញសកម្មភាពសប្បុរធម៌ ក្នុងការយកចិត្តទុកដាក់បំពេញការខ្វះខាតដល់សិល្បករ សិល្បការិនី ចាស់ជរាកំពុងរស់នៅក្នុងស្ថានភាពដ៏លំបាកនាអំឡុងពេលកូវីដ១៩នេះ។
ជាក់ស្តែងកាលពីថ្ងៃទី២២ខែធ្នូឆ្នាំ២០២១ ម្សិលមិញនេះ លោក ខេមរ: សិរីមន្ត និងភរិយា បានបង្ហាញសកម្មចែករំលែកក្តីស្រលាញ់ និងនាំយកអំណោយមួយចំនួនដល់រៀមច្បងសិល្ប:មួយចំនួនដែលពួកគាត់កំពុងតែមានការខ្វះខា តសម្រាប់ជីវភាពប្រចាំថ្ងៃ។ លោក ខេមរ: សិរីមន្ត បានបង្ហោះសាររៀបរាប់ថានៅលើហ្វេសប៊ុកថា «អំណោយ និង ទឹកប្រាក់នេះ ជាទឹកចិត្តបន្តិចបន្តួចចំពោះលោកគ្រូ អ្នកគ្រូសិល្បៈកររៀមច្បង។ សង្ឃឹមថានឹងអាចជួយរំលែកការលំបាកគាត់បានខ្លះ សូមជូនពរ ឱ្យគាត់មានសុខភាពល្អ រកស៊ីមានបាន ព្រមទាំង ជួយផ្តល់ដំបូន្មានល្អៗដល់ខ្ញុំ និង ប្អូនៗជំនាន់ក្រោយ»។
លោក ខេមរៈ សិរីមន្ដ បច្ចុប្បន្ន នៅតែជាប់ឈ្មោះជាកំពូលតារាចម្រៀងលំដាប់ជួរមុខប្រទេស ទោះបីលេចមុខតារាស្រករក្រោយៗជាច្រើនក៏ដោយ តែលោកកាន់តែមានឈ្មោះល្បីល្បាញ និងជោគជ័យខ្លាំង ដោយក្ដោបបានការងារកាន់តែច្រើនលើវិស័យសិល្បៈចម្រៀងរបស់ខ្លួន។ លោកក៏បានជំហានកាន់តែខ្លាំងលើវិស័យជំនួញ ដោយបានបង្កើតមុខជំនួញក្នុងដៃជាច្រើន រួមទាំងអចលនៈទ្រព្យដែលកំពុងតែដំណើរការយ៉ាងកាក់កប ទទួលបានចំណូលរាប់សិនម៉ឺនដុល្លារ៕
