ភ្នំពេញ៖ នៅព្រឹកថ្ងៃទី ២៦ ខែធ្នូ ឆ្នាំ២០២១នេះ ប្រជាពលរដ្ឋជាច្រេីនគ្រួសារបានមកឈរ តវ៉ា ចំពោះសកម្មភាពម្ចាស់សិប្បកម្មវាយ ទម្លាយរបងបុរីដើរឆ្លងកាត់មកផ្លូវ ក្នុងបុរី ដែលពួកគាត់រស់នៅសព្វថ្ងៃ នាំឲ្យអសន្តិសុខក្នុងបុរី។
ប្រជាពលរដ្ឋចំនួន១០៧គ្រួសារបានផ្ដិតមេដៃស្នើសុំអោយអាជ្ញាធរខណ្ឌសែនសុខ ជួយដោះស្រាយបញ្ហារបស់ប្រជាពលរដ្ឋ និងម្ចាស់សិប្បកម្ម ស្លដែក ដែលបានប្តឹងមកលើពួកគាត់ផង ដែលម្ចាស់សិប្បកម្មស្លរដែកឈ្មោះ លោក គង់ ហុកឡេង នៅភូមិ គោកឃ្លៀង សង្កាត់គោកឃ្លៀង ខណ្ឌសែនសុខ រាជធានីភ្នំពេញ បានដាក់ពាក្យបណ្ដឹងទៅតុលាការប្ដឹងអ្នកភូមិ៧នាក់។
ប្រជាពលរដ្ឋបានលើកឡើងថា កាលពីមុនម្ចាស់សិប្បកម្មបានធ្វើរបងដែកបិតជិត ក្រោយមកម្ចាស់សិប្បកម្មតែងតែធ្វើសកម្មភាពវាយរបងថ្មរបស់បុរី នឹងបើករបងដែករបស់ខ្លួនដើរឆ្លងកាត់មកផ្លូវបុរីព្រមទាំងមើលងាយអ្នកភូមិបោះសម្ដីថា អ្នកភូមិគ្មានលុយប្ដឹងខ្លួននោះទេ ដោយប្រជាពលរដ្ឋចំនួន១០៧គ្រួសាររស់នៅក្នុងបុរី ភូមិគោកឃ្លៀងមិនព្រមឲ្យម្ចាស់សិប្បកម្មវាយរបងបុរី និងបើករបងដែកដើរឆ្លងកាត់មកផ្លូវបុរីនោះទេ ដើម្បីការពារសន្តិសុខសុវត្ថិភាពរស់នៅរបស់ពួកគាត់ទើបនាំគ្នាផ្ដិតមេដាយស្នើសុំអោយអាជ្ញាធរពាក់ព័ន្ធជួយដោះស្រាយបញ្ហាវិវាទរបស់ពួកគាត់ជាមួយម្ចាស់សិប្បកម្មឲ្យបានលឿនផង។
ជាចុងក្រោយប្រជាពលរដ្ឋសូមសំណូមពរដល់អាជ្ញាធរពាក់ព័ន្ធជួយដោះស្រាយបញ្ហារបស់ប្រជាពលរដ្ឋជាមួយម្ចាស់សិប្បកម្មស្លរដែករបស់លោក គង់ ហុកឡេង និងប្រជាពលរដ្ឋចំនួន ១០៧ គ្រួសារឲ្យឆាប់ចប់ផង ប្រជាពលរដ្ឋបានលើកឡើងទៀតថា ការដោះដោយឈរនិយាយទល់មុខគ្នា គឺជាដំណោះស្រាយល្អបំផុតមិនមែនស្ងាត់ៗ មកវាយរបងបុរីមកបើករបងយកផ្លូវដើរស្រេចតែចិត្តខ្លួនឯងនោះទេ ប្រជាពលរដ្ឋទាំង១០៧គ្រួសារទទឹងរងចាំការដោះស្រាយពីអាជ្ញារធរ ចំណែកភាគីខាងម្ចាស់សិប្បកម្មមិនអាចសុំការបកស្រាយបានទេ សារព័ត៌យើងរងចាំធ្វើការបំភ្លឺពីម្ចាស់សិប្បកម្មជានិច្ច៕