Tuesday, November 29 Login

ខេត្តព្រៃវែង រកឃើញអ្នកវិជ្ជមានកូវីដ១៩ ចំនួន៤នាក់បន្ថែមទៀត នៅក្នុងស្រុកពារាំង ចំនួន២នាក់ និងស្រុកពាមរក៍ចំនួន ១នាក់ និងស្រុកបាភ្នំ១នាក់ នៅថ្ងៃទី៨ ខែឧសភា ២០២១។ តួលេខនេះ ធ្វើឲ្យអ្នកឆ្លងជំងឺកូវីដ១៩ កើនឡើងសរុបចំនួន ៦នាក់ នៅថ្ងៃដដែលនេះ។

ឯកឧត្តម ជា សុមេធី អភិបាលខេត្តព្រៃវែង បានមានប្រសាសន៍ថា «ក្នុងសភាពការណ៍នាពេលនេះ ខ្ញុំបាទ សូមបន្តស្នើរដល់បងប្អូនដែលរស់នៅក្នុងខេត្តព្រៃវែង បង្កើនការប្រុងប្រយ័ត្នខ្ពស់ ដើម្បីចូលរួមអនុវត្តវិធានការ ៣កុំ ៣ការពារ និងត្រូវពាក់ម៉ាស រក្សាគម្លាតសុវត្ថិភាពជាប្រចាំ»។

ទន្ទឹមនឹងនេះ ឯកឧត្តម ជា សុមេធី បានជូនដំណឹងដល់ប្រជាពលរដ្ឋ ដែលបានពាក់ព័ន្ធដោយផ្ទាល់ ឬដោយប្រយោលជាមួយអ្នកវិជ្ជមានខាងលើ សូមរួសរាន់ធ្វើចត្តាឡីស័ក និងពិនិត្យសំណាក (Rapid Test) តាមមន្ទីរពេទ្យបង្អែកស្រុក ក្រុងនីមួយៗ និង មិនត្រូវពាក់ព័ន្ធ ប៉ះពាល់ជាមួយអ្នកដទៃជាដាច់ខាត៕

Share.

Leave A Reply