ខ្សែប្រយុទ្ធសញ្ជាតិអេស្ប៉ាញ Ferran Torres បានបង្ហាញខ្លួនជាមួយក្រុមថ្មីរបស់ខ្លួន FC Barcelona ជាលើកដំបូង ក្រោយចាកចេញពីក្រុមចាស់ Man City ដែលមានមូលដ្ឋាននៅប្រទេសអង់គ្លេស។
កីឡាករវ័យ២១ឆ្នាំរូបនេះ បានចូលរួមជាមួយ Barcelona នៅក្នុងតម្លៃ៥៥លានអឺរ៉ូ ថ្លៃជាងគេលំដាប់ទី៩ ជាមួយកិច្ចសន្យារយៈពេល៥ឆ្នាំ រហូតដល់ថ្ងៃទី៣០ ខែមិថុនា ឆ្នាំ២០២៧ ដោយមានតម្លៃផ្ដាច់កុងត្រា ១ពាន់លានអឺរ៉ូ។
រយ:ពេល២ឆ្នាំ ជាមួយមេឃខៀវ Man City ខ្សែប្រយុទ្ធ Ferran Torres បានបង្ហាញខ្លួនចំនួន៤៣ប្រកួត និងស៊ុតបញ្ចូលទីបាន១៦គ្រាប់ និងប៉ះឲ្យមិត្តរួមក្រុមស៊ុតបញ្ចូលទី៤ដង ក្រោមការដឹកនាំរបស់លោក Pep Guardiola ជួយឲ្យក្លិបឈ្នះពាន Premier League ១គ្រឿង និង Carabao Cup ១គ្រឿង៕