ភ្នំពេញ៖ ឆ្លងចរន្តអគ្កីសនី បង្កជាអគ្គិភ័យឆាបឆេះផ្ទះប្រជាពលរដ្ឋធ្វើពីឈើប្រក់ស័ង្កសី អស់ទាំងស្រុង នៅភូមិដើមចាន់ ។
យោងតាមផេកការិយាលយ័បង្ការពន្លត់អគ្គិភ័យ និងសង្រោះ នៃស្នងការដ្ឋាននគរបាលរាធានីភ្នំពេញបានឲ្យដឹងថា មានករណីអគ្គិភ័យមួ យកើតឡើងកាលពីវេលាម៉ោង ២០និង១៥នាទី ថ្ងៃទី២៨ ខែធ្នូ ឆ្នាំ២០២១ ស្ថិតនៅតាមបណ្តោយផ្លូវលំ ភូមិដើមចាន់ សង្កាត់ច្បារអំពៅ ទី២ ខណ្ឌច្បារអំពៅ រាជធានីភ្នំពេញ។
លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា ទីតាំងខាងលើមានម្ចាស់ផ្ទះឈ្មោះ ស៊ុក គ្រៀវ ភេទស្រី អាយុ ៤៦ឆ្នាំ មុខរបរ លក់កាហ្វេ ។ហើយចំពោះមូលហេតុ នៃការឆាបឆេះ បណ្តាលមកពីការឆ្លងចរន្តអគ្គីសនី។
លោកបន្តថា ចំពោះហេតុការណ៍អគ្គិភ័យខាងលើនេះ បណ្តាលឲ្យឆាបឆេះផ្ទះឈើប្រក់ស័ង្កសីទំហំ ២ម៉ែត្រ x ៣ម៉ែត្រ ចំនួន៥ខ្នងអស់ទាំងស្រុង តែពុំបណ្តាលឲ្យរាលដាលដល់ផ្ទះក្បែរខាងឡើយ។
ក្នុងករណីអគ្គិភ័យនេះដែរ កម្លាំងជំនាញបានប្រើប្រាស់រថយន្ដការិយាល័យបង្ការ និងពន្លត់អគ្គិភ័យ ចំនួន ៦គ្រឿង ប្រើប្រាស់ទឹកអស់ ៣ឡា ន ស្មើរនឹង ១២ម៉ែត្រគូប និងរថយន្តជំនួយពន្លត់អគ្គិភ័យរបស់ក្រសួងមហាផ្ទៃ ចំនួន ៤គ្រឿង ប្រើប្រាស់ទឹក និងរថយន្តពន្លត់អគ្គិភ័យរបស់សាលាខណ្ឌច្បារអំពៅ ចំនួន ១គ្រឿង ប្រើប្រាស់ទឹកអស់ ១ឡាន ស្មើរនឹង ៦ម៉ែត្រគូប ទើបរលត់ទាំងស្រុង នៅវេលាម៉ោង ២១ និង៤៥ នាទីនាថ្ងៃដដែរ៕