Channel ដែលមានចំនួន Subscriber ដល់ចំនួន 1 Million (ជាវមួយលាន) គឺជាការសម្រេចមួយដ៏ធំ ក្នុងន័យមួយទៀត Creator នោះអាចនឹងទទួលបានកម្រៃយ៉ាងក្រាស់ក្រែលសម្រាប់ការរស់នៅ។
តាមដឹង Youtube Creators អាចរកបានប្រាក់ចំណូលបានជាច្រើនផ្នែក ប៉ុន្តែប្រាក់ដែលទទួលបានពីការដាក់ពាណិជ្ជកម្ម នៅលើវីដេអូ គឺជាលំហូរចំណូលដ៏ធំសម្រាប់ចំណូលរបស់ពួកគេ។ Andrei Jikh ដែលមានចំនួន Subscriber រហូតដល់ ១.៨៤ លាន នោះលោករកចំណូលបានចំនួន១.៦លានដុល្លារ ពីការផ្សាយពាណិជ្ជកម្មមិនដល់រយៈពេល៣ឆ្នាំផង។
ចំណែកឯក Youtuber ដែលផ្ដោតលើ Lifestyle ឈ្មោះ Tiffany Ma រកបានចំនួន១១,៥០០ដុល្លារ ក្នុងមួយខែពីការផ្សាយពាណិជ្ជកម្មលើវីដេអូរបស់កញ្ញា នេះបើតាមការឱ្យដឹងរបស់កញ្ញាប្រាប់ទៅកាន់អ្នកសារព័ត៌មាន Insider ។
ដើម្បីទទួលបានចំណូលពី YouTube អ្នកបង្កើតវីដេអូ (Content Creators) ទាំងអស់ ចាំបាច់ត្រូវតែមានយ៉ាងហោចណាស់ ១០០០ Subscribers និងចំនួនទស្សនាវីដេអូសរុប៤០០០ម៉ោងក្នុងរយៈពេល១ឆ្នាំកន្លងមក។ នៅពេលដែលពួកគេអាចបំពេញលក្ខខ័ណ្ឌសម្រាប់កម្មវិធីភាពជាដៃគូ នឹងអាចធ្វើឱ្យពួកគេអាចរកប្រាក់ចំណូកចូល Channel តាមរយៈការផ្សាយជា ads , ការ subscription, និង ភាពជាសមាជិក។
សម្រាប់ការទទួលបានចំណូលនោះ Youtube នឹងដកចំនួន 45% នៃប្រាក់ចំណូលសរុប ខណៈដែលអ្នកផលិតនិងបង្កើន Content នឹងទទួលបានចំនួន55%៕