បាត់ដំបង៖ នគរបាលស្រុកបវេល បង្រ្កាបករណីគ្រឿងញៀនមួយករណីឃាត់ខ្លួនអ្នកប្រព្រឹត្តបានចំនួន០២នាក់ ក្នុងខេត្តបាត់ដំបង។
យោងតាមផេកស្នងការដ្ឋាននគរបាលខេត្តបាត់ដំបងបានឲ្យដឹងថា ការឃាត់ខ្លួនជនសង្ស័យនេះធ្វើឡើង កាលពីថ្ងៃទី២៨ ខែធ្នូ ឆ្នាំ២០២១ វេលាម៉ោង ១៤និង០០នាទីនៅចំណុចភូមិព្រៃទទឹង២ ឃុំបវេល ស្រុកបវេល ខេត្តបាត់ដំបង។
លោកវរសេនីយ៍ឯក សុខ សារិន អធិការនគរបាលស្រុកបបវេល បានដឹកនាំកម្លាំងផ្នែកប្រឆាំងគ្រឿងញៀន សហការជាមួយកម្លាំងក្រុមអន្ត រាគមន៍ នៃអធិការដ្ឋាននគរបាលស្រុក បានចុះល្បាតក្នុងភូមិសាស្ត្រ ភូមិព្រៃទទឹង២ បង្ក្រាបករណីរក្សាទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្ដែង និងឃាត់ខ្លួនជនសង្ស័យបានចំនួន ០២នាក់។
ជនសង្ស័យទី១ ឈ្មោះវ៉េវ វុធ ភេទប្រុ សអាយុ៣៥ឆ្នាំមានទីលំ នៅភូមិស្លខ្លាញ់ ឃុំបវេល ស្រុកបវេល ខេត្តបាត់ដំបង និងទី២ឈ្មោះ យុទ្ធ លីហ្សា ហៅ ដាវ ភេទស្រី អាយុ ២៤ឆ្នាំ មានទីលំនៅភូមិស្តៅ ឃុំបាយដំរាំ ស្រុកបវេល ខេត្តបាត់ដំបង។
ចំពោះវត្ថុតាងដែលសមត្ថកិច្ចដកហូតបានរួមមាន៖ ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០១ថង់ទម្ងន់១,៦៨ក្រាម ទូរ ស័ព្ទដៃចំនួន ០១គ្រឿង ។
បច្ចុប្បន្នជនសង័្សយនិងវត្ថុតាងត្រូវបាននគរបាលស្រុករៀបចំក៏សាងសំណុំរឿងបញ្ជូនទៅកាន់ការិយាល័យជំនាញអនុវត្តតាមនីតិវិធី ៕