ក្លិបបាល់ទាត់ភ្នំពេញក្រោន បានប្រកាសអំពីការវិលត្រលប់របស់កីឡាករ សឿត បារាំង និង គង់ ចាន់វុទ្ធី នៅថ្ងៃអាទិត្យ ទី០២ ខែមករា ឆ្នាំ២០២២ ដើម្បីត្រៀមប្រកួតប្រជែងវគ្គចែកពូល AFC CUP និងពានក្នុងស្រុក រដូវកាលថ្មីខាងមុខ។
ខ្សែការពារស្លាប សឿត បារាំង ត្រូវបានក្លិបដែលមានមូលដ្ឋាននៅទឹកដីសៀបរាម គឺក្លិបបាល់ទាត់អង្គរថាយហ្គឺរ ខ្ចីជើងចំនួន១រដូវកាល ខណ:អ្នកចាំទី គង់ ចាន់វុទ្ធី ត្រូវបានក្លិបដែលមានមូលដ្ឋាននៅខេត្តតាកែវ គិរីវង់សុខសែនជ័យ ខ្ចីជើងចំនួន១រដូវកាលដូចគ្នា។
សម្រាប់រដូវកាល២០២១ ក្លិបភ្នំពេញក្រោន ក្លាយជាម្ចាស់ជើងឯកលីគកំពូល ក្រោយឆ្លងកាត់១៩ប្រកួត ឈ្នះ១៣ ស្មើ៥ និងចាញ់១ មាន៤៤ពិន្ទុ ខណ:ពានសម្តេចតេជោ ធ្លាក់ត្រឹមវគ្គពាក់កណ្តាលផ្តាច់ព្រ័ត្រ ក្រោមថ្វីជើងព្រះខ័នរាជស្វាយរៀង សរុប២ជើង ៣-២៕
