យោងតាមការបញ្ជាក់របស់សមាគមបាល់ទាត់ម៉ាឡេស៊ី (FAM) បានប្រកាសឲ្យដឹងថាគ្រូបង្វឹកជម្រើសជាតិលោក Tan Cheng Hoe សម្រេចចិត្តលាលែងពីតំណែង នៅព្រឹកថ្ងៃចន្ទ ទី០៣ ខែមករា ឆ្នាំ២០២២ ក្រោយដឹកនាំក្រុមមិនសូវបានល្អ ធ្លាក់ត្រឹមវគ្គចែកពូលនៃពានរង្វាន់ AFF Suzuki Cup 2020។
លោក Tan Cheng Hoe វ័យ៥៣ឆ្នាំ ចូលរួមជាមួយក្រុមជម្រើសជាតិម៉ាឡេស៊ី ដំបូងនៅឆ្នាំ២០១៨ ដឹកនាំក្រុមសរុប៤០ប្រកួត ឈ្នះ២០ ស្មើ៤ និងចាញ់១៦ ជួយឲ្យក្រុមជម្រើសជាតិម៉ាឡេសុីឡើងដល់វគ្គផ្ដាច់ព្រ័ត្រ AFF Suzuki Cup 2018 ប៉ុន្តែបានត្រឹមជើងឯករងប៉ុណ្ណោះ ក្រោយចាញ់វៀតណាម សរុប២ជើងក្នុងលទ្ធផល ៣-២៕
