កញ្ញា សាន កុសុមៈ ម្ចាស់ជ័យលាភីធីតាឯកសង្ក្រាន្តឆ្នាំ២០២១ នៅដើមឆ្នាំ២០២២នេះ យីអ៊ុនឡើងស្រឺតៗតែម្ដងព្រោះមានស្នាដៃចំនួន២ត្រៀមបញ្ចាំងនៅលើកញ្ចក់ទូរទស្សន៍ CTN នៅក្នុងខែមករានេះផ្ទួនគ្នាតែម្ដង។
សូមចុចអាន ទេពធីតាសង្ក្រាន្ត សាន កុសុមៈ ក្ដោបបានតួធំក្នុងរឿង «នគរមាស»!
តួឯកស្រី «នគរមាស» រូបនេះត្រៀមមានស្នាដៃថ្មីចំនួន២ដើម្បីបម្រើអារម្មណ៍ប្រិយមិត្តអ្នកទស្សនា ដោយរឿងទាំងពីរនោះមានរឿងសម័យមួយនិងរឿងបុរាណចំនួន១។ រឿងបុរាណ «ដើមរលួសមាស» គឺមានសាច់រឿងដូចរឿង «មរណៈមាតា» ដែលកំពុងតែបញ្ចាំងនៅលើកញ្ចក់ទូរទស្សន៍ PNN ។ ចំណែករឿងសម័យគឺរឿង «មន្តស្នេហ៍អ្នកគ្រូពេទ្យឆ្នាស់» ជារឿងដែលផ្ដោតជាសំខាន់ស្ដីពីជំងឺកូវីដ-១៩។
រឿង «ដើមរលួសមាស» ចាប់ផ្ដើមបញ្ចាំងពីថ្ងៃទី៣ ខែមករា នេះ ខណៈដែលរឿង «មន្តស្នេហ៍អ្នកគ្រូពេទ្យឆ្នាស់» នឹងមានចាក់បញ្ចាំងជូនទស្សនាចាប់ពីថ្ងៃទី១១ ខែមករា ឆ្នាំ២០២២ ខាងមុខនេះ៕
