ដូចមហាជនបានដឹងថា ចំថ្ងៃបុណ្យ Christmas លោក ហេង ពិទូ បានជូនកាដូចុកឈាមទៅកញ្ញា ហ្វីយ៉ាតា ដែលជាគូស្នេហ៍ ដោយលោកប្រកាសថា លោកជាអ្នកក្បត់ ហ្វីយ៉ាតា មានស្រីផ្សេង និងបានព្រមទទួលកំហុសគ្រប់យ៉ាង ដោយមិនខ្លាចបង្ហោះពីរឿងអាស្រូវរបស់ខ្លួនដែលនាំឱ្យអាប់ឱនដល់កិត្តិយស និងកេរ្ដិ៍ឈ្មោះឡើយ។
ចុចអានព័ត៌មាន៖ Fi Yata គ្មានពាក្យថាស្ដាយក្រោយ ចំពោះកាដូប្រេះស្រាំពី ហេង ពិទូ ក្នុងថ្ងៃ Christmas និងមិនខ្លាចទម្លាយរូបជនទី៣
ក្រោយប្រកាសបែកគ្នាបាន១១ថ្ងៃ លោក ហេង ពិទូ ដាច់ចិត្តទម្លាយពាក្យក្នុងចិត្តហើយ ដោយលោកសារភាពថា នៅពេលនេះខួរក្បាលរញ៉េរញ៉ៃធ្វើមិនបានល្អទេ និងមិនអាចចេញបទចម្រៀងថ្មីនាដើមឆ្នាំ២០២២នេះបាននៅឡើយទេ។ លោកបានរៀបរាប់នៅលើហ្វេសប៊ុករបស់លោកថា «គំរោងថានឹងចេញបទដើមឆ្នាំ តែពេលនេះមិនអាចទេ ខួរក្បាលរញ៉េរញ៉ៃធ្វើមិនបានល្អ សូមទោសទុកជាមុន សង្ឃឹមថាខួរក្បាលនឹងឆាប់ប្រសើរវិញ»។
បន្ទាប់ពីការបង្ហោះរបស់លោក ហេង ពិទូ បែបនេះ ភ្លាមៗអ្នកគាំទ្រ ក៏ដូចហ្វេនរបស់លោក បានចូលទៅផ្ទុះComment ព្រាតថា «ចំណង់ជើងបទ: សុំទោសខួរក្បាល ព្រោះខ្ញុំក្បត់គេញ៉េញ៉ៃដល់ឯង…!» «សៀវភៅចាស់ទោះត្រឡប់យកមកអានម្តងហើយម្តងទៀត ក៏ចុងបញ្ចប់សាច់រឿងនៅដដែរ ទោះភ្លេចអាន2 3ទំព័រក៏ដោយ» «បងដាក់បទ សង្ឃឹមថាខួរក្បាលនឹងឆាប់ប្រសើរវិញ ហ្នឹងមងទៅកុំឱ្យខាត» ហើយមានខ្លះទៀតថា «សាកល្បងក្បត់ដើម្បីចេញបានបទថ្មី អត្ថន័យថ្មី ខ្ញុំយល់ពីអាឌល»។ យ៉ាងណាក្ដី គេមើលឃើញថា មតិរបស់ហ្វេនៗនីមួយពិតជាធ្វើតារាចម្រៀងរូបនេះច្របូកច្របល់ផ្លូវអារម្មណ៍បន្ថែមទៀត។
រហូតមកទល់ពេលនេះ គេនៅមិនទាន់ឃើញមានប្រតិកម្មណាមួយចេញពីគណនីរបស់តារាស្រី ហ្វីយ៉ាតា ដែលបង្ហាញពីការខូចចិត្តនៅឡើយទេ៕
