ភាពយន្តភ័យរន្ធត់រំជួលព្រលឹង «All Of Us Are Dead» គឺជាភាពយន្តខ្មោចឆៅប្រភេទ Zombie ដែលអ្នកទស្សនារង់ចាំទស្សនាយ៉ាងអន្ទះសា។ ភាពយន្តនេះត្រូវគេរំពឹងថាជាភាពយន្តដែលនឹងមកបំបែកកំណត់ត្រាភាពយន្ត ខ្មោចឆៅ «Kingdom» និងភាពយន្តលេងហ្គេមភ្នាល់ដាក់ជីវិត «Squid Game»។
ភាពយន្តដែលផលិតតាម Webtoon ហើយមានឈ្មោះដូចគ្នានេះ គឺជាភាពយន្តរន្ធត់ដែលបរិយាយពីសិស្សមួយក្រុមក្នុងវិទ្យាល័យ Hyosan ជាប់គាំងក្នុងជំរុំរឹតបន្តឹងដែលពោរពេញទៅដោយខ្មោចឆៅ។ ភាពយន្តនេះត្រូវបានក្រុមហ៊ុនវិភាគអត្រាទស្សនាលើប្រព័ន្ធផ្សព្វផ្សាយរបស់ប្រទេសកូរ៉េព្យាករណ៍ថាជារឿងដែលកាន់តែព្រឺព្រួចនិងភ័យរន្ធត់ជាងរឿង «Kingdom» និង «Squid Game»។
នៅក្នុងវីដេអូផ្សព្វផ្សាយ១នាទី៣០វិនាទីបានបង្ហាញឱ្យឃើញថាសិស្សប្រុសម្នាក់បានព្យាយាមទូរស័ព្ទទៅស្ថានីយប៉ូលិសរាយការណ៍រឿងខ្មោចឆៅវាយប្រហារវិទ្យាល័យ Hyosan ប៉ុន្តែជាអកុសល សមត្ថកិច្ចគិតថាក្មេងៗសិស្សសាលាទូរស័ព្ទមក លេងសើច (Prank)។
យ៉ាងណាមិញ មន្ត្រីនគរបាលចាប់ផ្ដើមមានការសង្ស័យក្រោយទទួលទូរស័ព្ទដដែលៗ ក៏សម្រេចចិត្តទំនាក់ទំនងទៅសាលាដើម្បីពិនិត្យទៅលើអ្វីដែលកូនសិស្សសាលាបានរាយការណ៍មក។
«ពួកគេនឹងមកជួយពួកយើង។ ពួកគេច្បាស់ជាមក» សិស្សសាលាម្នាក់បានលើកឡើងនៅក្នុងឃ្លីបវីដេអូផ្សព្វផ្សាយ ដោយក្នុងនោះក៏មានបង្ហាញសិស្សស្រីម្នាក់បានប្រែក្លាយទៅជាខ្មោចឆៅ Zombie។
ប្រយោគនិយាយថា «ជំនួយមិនទាន់មកដល់» បានបង្ហាញលើកញ្ចក់ទូរទស្សន៍ ជាសញ្ញាណបង្ហាញថាសិស្សទាំងអស់ប្រហែលជាជាប់គាំងក្នុងជំរុំដោយប្រមូលទៅដោយបិសាចស៊ីសាច់មនុស្ស។
ភាពយន្តរំជួលព្រលឹង «All Of Us Are Dead» នឹងបញ្ចាំងជូនទស្សនានៅថ្ងៃទី២៨ខែ មករាឆ្នាំ២០២២ ខាងមុខនេះ៕
ទស្សនាវីដេអូ Tailer ៖
ទស្សនាវីដេអូ Big News៖
