កាលពីថ្ងៃទី១១ ខែមករា ឆ្នាំ២០២១ អ្នកនាង ដេននី ខ្វាន់ តារាសម្ដែងសិចស៊ីមួយរូបបានបង្ហោះសារមួយដែលបង្កឱ្យមានការភ្ញាក់ផ្អើលយ៉ាងខ្លាំង រហូតមានអ្នកខ្លះភាន់ច្រឡំស្មានថាថៅកែហាងពេជ្រ លោកស្រី ទ្រី ដាណា ជំពាក់ប្រាក់អ្នកនាង ដេនី ក្វាន់ ហើយគេចវេសមិនព្រមសង។
រឿងរ៉ាវដែលបង្កឱ្យមានការភ្ញាក់ផ្អើលស្មានថាអ្នកនាង ដេននី ក្វាន់ បង្ហោះទារប្រាក់ថៅកែហាងពេជ្រ លោកស្រី ទ្រី ដាណា នោះក៏ព្រោះតែអ្នកនាងសរសេរឈ្មោះ «ដាណា» ដែលបណ្ដាលឱ្យមនុស្សមួយចំនួនមិនដឹងសាច់រឿង បាននាំគ្នាសំដៅទៅលោកស្រី ទ្រី ដាណា ថៅកែហាងពេជ្រ និងអនឡាញ ជាបុគ្គលដែលមានភាពលេចធ្លោនៅលើបណ្ដាញសង្គម។
សំណេរខ្លីនោះមានខ្លឹមសារថា៖ «ដាណា យកលុយសំរាប់ធ្វើការងាររបស់ខ្ញុំ ទៅប្រើលើការងារផ្សេង ចុងក្រោយមកតាមអង្វរខ្ញុំដោយយកលេសនេះលេសនោះ ថាអស់សមត្ថភាព មួយខែខ្ញុំខាត2500$ អីលូវគិច មិច បីខែហើយដែលខ្ញុំខាត»
នៅខាងក្រោមផុសរបស់អ្នកនាង មានហ្វេនៗមួយចំនួនបានចូលមកលើកឡើងថា៖ «តិចច្រឡំទ្រីដាណាទៅចែ» ,«ឈ្មោះដាណាមានច្រើនជួយបញ្ជាក់នាមត្រកូលផង»,«ហើយដាណាមានតែមួយនៅស្រុកខ្មែរមែនខ្ញុំក៏ដាណាដែរ»
សម្រាប់បុគ្គលដែលអ្នកនាង ដេននី ក្វាន់ ចេញមកបង្ហោះទារប្រាក់ជំពាក់លើបណ្ដាញសង្គមនេះ មិនមែនជាថៅកែហាងពេជ្រ លោកស្រី ទ្រី ដាណា នោះទេ ព្រោះបើតាមការបញ្ជាក់ពីម្ចាស់់គណនីឈ្មោះ Chantra LC Joey បានឱ្យដឹងពីអត្តសញ្ញាណរបស់បុគ្គលដែលខ្ចីនោះគឺជាអ្នកផ្សេង គ្រាន់តែមានឈ្មោះដាណា ប៉ុន្តែមិនមែនត្រកូលទ្រី នោះទេ ដោយលោកបានរៀបរាប់បែបនេះថា៖ «ខ្ញុំឃើញគាត់បង្ហោះដែរគឺពួកជាងដែលគាត់ហៅមកធ្វើការយកលុយគាត់រត់បាត់ស្រម៉ោលដែរ! យោគយល់គ្នាខ្លះទៅគ្នាគ្មានលុយទេ!»
