កណ្តាល ៖ អគ្គិភ័យឆាបឆេះឃ្លាំងក្នុងរោងចក្រដេរកាបូបមួយកន្លែង ផ្តើមដោយជាងផ្សារដែក ធ្វេសប្រហែស ធ្លាក់កម្ទេចភ្លើង ឆេះរាល បង្កឲ្យភ្ញាក់ផ្អើល កាលពីវេលាម៉ោង៨និង ១៥នាទី ព្រឹក ថ្ងៃទី១៤ខែមករា ឆ្នាំ២០២២ស្ថិតក្នុងភូមិទួលត្នោត ឃុំពើក ស្រុកអង្គស្នួល ខេត្តកណ្ដាល ។
ម្ចាស់ទីតាំងរងគ្រោះ ឈ្មោះ CHEN ZHENGFEI ជនជាតិចិន ភេទ ប្រុស អាយុ៤៩ ឆ្នាំ មុខរបរ ថៅកែរោងចក្រ ។
តាមសមត្ថកិច្ចបានឲ្យដឹងថា ឃ្លាំងខាងលើធ្វើពីដែកប្រក់ស័ង្កសីមានទំហំ ៣០ម៉ែត្រ×៦០ម៉ែត្រ ហើយមុនពេលកើតហេតុ មានក្រុមជាងផ្សារដែក ធ្លាក់កម្ទេចភ្លើង ទើបឆេះរាលបែបនេះ ខូចខាត វត្ថុធាតុដើម អំបោះដេរ កំណាត់ទ្រនាប់ស្បែកកាបូប ឆ្អឹងជ័រស្នោរ អេប៉ុងស្តើងៗ សំរាប់ផលិតជាកាបូប និងសម្ភារៈមួយចំនួនទៀត សរុបជាប្រាក់អស់ប្រមាណ៣ម៉ឺនដុល្លារ ។
ពេលកើតហេតុការណ៍ខាងលើភ្លាមៗ ផ្នែករថយន្តពន្លត់អគ្គិភ័យចំនួន៣គ្រឿង បានចេញទៅ ធ្វើអន្តរាគមន៍បាញ់ទឹកពន្លត់ភ្លើង ៕
អត្ថបទ៖តាតុងពោធិ៍សែនជ័យ