ផលិតកម្ម Creative Group ING បានចេញសេចក្ដីប្រកាសផ្សព្វផ្សាយព័ត៌មានថាតារាសម្ដែងល្បី Song Ji Hyo នឹងចាប់ធ្វើចត្តាឡីស័ករយៈពេល១០ថ្ងៃជាបន្ទាន់ ដោយសារតែតារាស្រីរូបនេះបានជួបប៉ះពាល់អ្នកជំងឺកូវីដ-១៩ ខណៈពេលថតភាពយន្ត។
សេចក្ដីប្រកាសព័ត៌មានដែលចេញផ្សាយកាលពីថ្ងៃទី២១ ខែមករា ឆ្នាំ២០២១ បានឱ្យដឹងថា តារាស្រី Song Ji Hyo បានតេស្តម៉ាស៊ីន PCR រួចរាល់ហើយលទ្ធផលគឺអវិជ្ជមាន ប៉ុន្តែដោយសារតែតារាស្រីរូបនេះមិនបានចាក់វ៉ាក់សាំង ដូច្នេះកញ្ញាចាំបាច់ត្រូវតែធ្វើចត្តាឡីស័កចំនួន១០ថ្ងៃទៅតាមការណែនាំរបស់ក្រសួងសុខាភិបាល។
សមាជិកសកម្មនិងអចិន្ត្រៃយ៍នៃកម្មវិធី «Running Man» នៃស្ថានីយទូរទស្សន៍ SBS ដែលត្រូវផ្សាយនៅថ្ងៃទី២៤ខែ២៥ខែមករាឆ្នាំ២០២២នេះ។
ផលិតកម្ម Creative Group ING ក៏បានពន្យល់ពីមូលហេតុដែរថាហេតុអ្វីបានជា Song Ji Hyo មិនទាន់បានចាក់វ៉ាក់សាំង ព្រោះតែកាលពីវ័យកុមារ Song Ji Hyo ធ្លាប់មានប្រវត្តិប្រតិកម្មថ្នាំ។ ប្រតិកម្មនេះនៅតែកើតមានរហូតដល់បច្ចុប្បន្ន ដូចជាកាលពីឆ្នាំ២០១១ នៅពេលដែល Song Ji Hyo ព្យួរស៊ីរ៉ូមកម្លាំងដោយសារតែការងារមមាញឹកខ្លាំងធ្វើឱ្យកញ្ញាប្រតិកម្មពេញខ្លួន ពិបាកដកដង្ហើម រហូតដល់បញ្ជូនចូលបន្ទប់សង្គ្រោះបន្ទាន់។ ក្រោយហេតុការណ៍ស្លាប់រស់ខាងលើតារាស្រីរូបនេះនៅតែមានប្រតិកម្មនឹងថ្នាំអង់ទីប៊ូយូតិច។ កញ្ញាបានពិភាក្សាជាមួយនឹងក្រុមពេទ្យទាក់ទងទៅនឹងវ៉ាក់សាំងកូវីដ-១៩ ហើយមកដល់ពេលនេះកញ្ញានៅមិនទាន់បានចាក់នៅឡើយ។
ផលិតកម្មគ្រប់គ្រងលើតារាស្រីរូបនេះបានចេញមកសន្យាថានឹងមើលថែទាំសុខភាពនិងសុវត្ថិភាពរបស់តារារបស់ខ្លួនហើយអនុវត្តទៅតាមគោលការណ៍សុវត្ថិភាព៕
ប្រភព៖ allkpop
