ក្លិបបាល់ទាត់សេះបង្គង់ Juventus ទទួលបាន៣ពិន្ទុដ៏មានសារ:សំខាន់ បន្ទាប់ពីយកឈ្នះ Verona ក្នុងលទ្ធផល ២-០ នៅយប់ថ្ងៃទី០៦ ខែកុម្ភ: ឆ្នាំ២០២២ ក្នុងទឹកដី Allianz ក្រោមក្រសែភ្នែកទស្សនិជន ជិត២ម៉ឺននាក់។
អ្វីកាន់តែពិសេសនោះគឺកីឡាករចំណូលថ្មីទាំង២រូប Dusan Vlahovic និង Denis Zakaria ស៊ុតបញ្ចូលទីម្នាក់១គ្រាប់ ក្នុងការបង្ហាញខ្លួនលើកដំបូងរបស់ពួកគេ ធ្វើឲ្យកក្រើតស្តាតនៅទីក្រុង Turin ប្រទេសអុីតាលី។
បច្ចុប្បន្ន Juventus ក្រោមការដឹកនាំរបស់លោក Massimiliano Allegri រំកិលមកកាន់ Top4 ពីការប្រកួត២៤លើក ឈ្នះ១៣ ស្មើ៦ និងចាញ់៥ មាន៤៥ពិន្ទុ តាមពីក្រោយក្រុមកំពូលតារាង Inter Milan ចំនួន៩ពិន្ទុ៕
