អ្នកសិល្បៈកូរ៉េ មានទាំងតារាសម្ដែង តារាកំប្លែង និងតារាចម្រៀងរបស់ប្រទេសកូរ៉េខាងត្បូងបានចេញមកប្រកាសជាបន្តបន្ទាប់គ្នាពីករណីឆ្លងជំងឺកូវីដ-១៩ និងកំពុងសំរាកព្យាបាលដោយខ្លួនឯងនៅតាមផ្ទះរៀងខ្លួន។
អ្នកចម្រៀងវ័យក្មេង Wonwoo ដែលជាសមាជិកម្នាក់របស់ក្រុមចម្រៀង Seventeen បានតេស្ដរកឃើញវិជ្ជមាន ចំណែកតួអង្គ Hoshi កំពុងតែរង់ចាំតេស្ដ PCR ព្រោះគេជាមនុស្សដែលជិតស្និទ្ធនឹង Wonwoo។
នៅថ្ងៃសៅរ៍ ទី១២ ខែកុម្ភៈ ផលិតកម្ម Pledis Entertainment បានចែករំលែកថា «សមាជិក Wonwoo បានតេស្ដរកឃើញវិជ្ជមាន Covid-19។ អាការៈ Wonwoo កាលពីថ្ងៃសុក្រទី ១១ មានដូចជាឈឺក និងក្ដៅខ្លួនដូច្នេះលោកបានទៅធ្វើតេស្ដរហ័សដោយខ្លួនឯង ហើយជាលទ្ធផលគឺវិជ្ជមាន។ បន្ទាប់ពីដឹងលទ្ធផលលោកបានប្រញាប់ទៅធ្វើតេស្ដ PCR ហើយនៅថ្ងៃសៅរ៍ទី១២ នេះលទ្ធផលម៉ាស៊ីនធំបង្ហាញថាលោកមានវិជ្ជមាន Covid-19។ អាការៈជារួមរបស់លោកមិនមានអ្វីផ្សេងក្រៅពីឈឺកនិងក្ដៅខ្លួននោះទេ ខណៈនេះលោកបានព្យាបាលដោយខ្លួនឯងនៅផ្ទះ»
ផលិតកម្ម Pledis Entertainment បានបន្តទៀតថា «ថ្មីៗនេះ សមាជិកទាំងអស់របស់ Seventeen មិនមានពាក់ព័ន្ធនឹង Wonwoo នោះទេ លើកលែងតែ Hoshi ប៉ុណ្ណោះដែលមានជាប់ពាក់ព័ន្ធនឹង Wonwoo។នម្សិលមិញនេះសមាជិកទាំងអស់របស់ Seventeen បានធ្វើតេស្ដខ្លួនឯងហើយជាលទ្ធផលគឺ អវិជ្ជមាន។
Wonwoo និង Hoshi មិនអាចចូលរួមក្នុងជំនួបតាម Online ដែលជាកម្មវិធីអបអរ Mini-Album «Attacca» ដែលជាអាល់ប៊ុមបាននោះទេ។
អ្នកសិល្បៈល្បីៗកូរ៉េពីររូបដែលកំពុងតែសំរាកព្យាបាលដោយខ្លួនឯង និងធ្វើចត្តាឡីស័កខ្លួននាពេលថ្មីៗនេះដែរមានដូចជា Haha និង Kim Jookook៕
