កាលពីថ្ងៃទី១៤ ខែកុម្ភៈ ដែលប្រជាជនកម្ពុជានិយមហៅថា ទិវានៃក្ដីស្រលាញ់ នោះ មនុស្សជាច្រើនបានប្រើប្រាស់ឱកាសនេះបង្ហាញក្ដីស្រលាញ់ និងអ្នកខ្លះទៀតបង្ហោះបង្ហាញកាដូនិងខ្លួនបានទទួល។ ផ្ទុយពីគេផ្សេងតារាកំប្លែងនិងជាពិធីការិនីភេទទី៣ ផេនខេក (Pancake) បែរជាបង្ហោះពាក្យចាក់ដោតអារម្មណ៍បែបនេះទៅវិញ។
ជារឿយតារាកំប្លែង និងពិធីការិនីសម្បូរវោហាររូបនេះតែងតែបង្កបរិយាកាសរីករាយជូនចំពោះប្រិយមិត្តដែលជាអ្នកគាំទ្ររបស់ខ្លួន ប៉ុន្តែនៅទិវានៃក្ដីស្រលាញ់មនុស្សម្នាក់ដែលចូលចិត្តផ្ដល់ស្នាមញញឹមនិងសំណើចដល់មនុស្សទាំងពួងរូបនេះបែរជាចេញមកបង្ហោះត្អូញត្អែរថា៖ «អស់បំណុលពេលណា ចង់ត្រលប់ទៅប្រើជីវិតបែបនេះវិញ សាមញ្ញៗតែក្ដីសុខ ថ្ងៃនេះខ្ញុំមិនសុំផ្កាសុំអីពីអ្នកណាម្នាក់ទេ ខ្ញុំសុំតែស្នាមញញឹមរបស់ខ្ញុំពីមុនត្រលប់មកវិញគឺអស់ចិត្តហើយ»
ប្រយោគធម្មតាតែបង្កប់ដោយអារម្មណ៍ឈឺចាប់ ខូចចិត្ត និងស្រណោះខ្លួនរបស់សិល្បករកំប្លែងរូបនេះបានទាញបាននូវការចាប់អារម្មណ៍ច្រើនពីហ្វេនរហូតមានអ្នកគាំទ្រជាច្រើនរូបបានចូលមកលើកកម្លាំងចិត្តនិងលើកទឹកចិត្តឱ្យតារារូបនេះប្រឹងប្រែងតស៊ូជាបន្តទៀតផងដែរ៕
