ប្រកួតអន្តរជាតិផ្លូវការជាលើកដំបូងនៅទីលានកីឡដ្ឋានព្រីនស៍ របស់ក្រុមវិសាខា គឺជាជំនួបរវាងក្រុមយុវជនក្រោមអាយុ២៣ឆ្នាំរបស់ថៃ ជាមួយក្រុមសិង្ហបុរី សម្រាប់វគ្គជម្រុះពូល C នៃពានរង្វាន់បាល់ទាត់ប្រចាំតំបន់អាស៊ាន AFF U23 Championship 2022 ក្នុងរាជធានីភ្នំពេញ យប់ថ្ងៃពុធ ទី១៦ ខែកុម្ភៈ ឆ្នាំ២០២២។
ជាលទ្ធផលក្រុមជើងឯក១សម័យកាលថៃ បានយកឈ្នះក្រុមតោជំទង់សិង្ហបុរី ដោយលទ្ធផល៣ទល់១ ក្រោមការកាត់សេចក្ដីពីសំណាក់លោកអាជ្ញាកណ្ដាល Yadi Nurcahya ជនជាតិឥណ្ឌូណេស៊ី ខណៈការប្រកួតដំណើរការពីម៉ោង៧យប់។
កីឡាករ Ilhan bin Fandi Ahmad របស់សិង្ហបុរី ជាកីឡាករដំបូងគេដែលរកគ្រាប់បាល់បានលើទីលានកីឡដ្ឋានព្រីនស៍ សម្រាប់ប្រកួតកម្រិតអន្តរជាតិផ្លូវការ នៅនាទី១៦ ប៉ុន្តែត្រូវបានក្រុមឥណ្ឌូណេស៊ី វាយបកវិញ៣គ្រាប់ ដោយថ្វីជើងខ្សែប្រយុទ្ធ Teerasak របស់ក្រុម Port FC ២គ្រាប់និងកីឡាករ Niphitphon ចំនួន១គ្រាប់។
