ថ្មីៗនេះ មុននឹងទទួលបានងារជាឧកញ៉ា លោកឧកញ៉ា ខេមរៈ សិរីមន្ត បានបង្ហោះរូបភាពមួយជាមួយនឹងមិត្តភក្ដិចាស់ម្នាក់ដែលរាប់អានគ្នាជិត២០ឆ្នាំ ដោយមិត្តភក្ដិរូបនោះគឺអភិបាលស្រុកបន្ទាយស្រី ឯកឧត្តម ឃីម ហ្វីណង់។
រូបភាពពីរសន្លឹកនៅលើបណ្ដាញសង្គមដែលឧកញ៉ា ខេមរៈ សិរីមន្ត បានបង្ហោះនៅលើផេកផ្លូវការរបស់ខ្លួន ពិតជាទទួលបាននូវការសរសើរយ៉ាងខ្លាំងពីសំណាក់សាធារណជន ក៏ដូចជាហ្វេនរបស់លោក។
នៅខាងលើរូបភាពជាមួយនឹងលោកអភិបាលស្រុកបន្ទាយស្រុកស្រី ឯកឧត្តម ឃឹម ហ្វីណង់ ឧកញ៉ាថ្មោងថ្មីរូបនេះបានរៀបរាប់ថា «ជាមិត្តនឹងគ្នាជិត20ឆ្នាំតែមិនសូវបានជួបគ្នាទេព្រោះរវល់រៀងខ្លួនតែចិត្តវិញនឹករលឹកគ្នាខ្លាំងណាស់
លោកអភិបាលមិត្តរបស់ខ្ញុំម្នាក់នេះចំណេះដឹងក៏ខ្ពស់សីលធម៌ក៏ល្អទៀតពិបាករកបានណាស់
»
សំនេរដ៏ខ្លីអមដោយរូបភាពទាំងពីរនេះត្រូវបានសាធារណជនបង្ហាញនូវក្ដីពេញចិត្តនិងកោតសរសើរយ៉ាងច្រើនដោយភាគច្រើនឃើញថាសុទ្ធតែជាពាក្យពេចន៍ល្អៗនិងមានខ្លឹមសារវិជ្ជមាន។
«ម្នាក់ជា Idol ផ្នែកចម្រៀង ម្នាក់ជា Idol ផ្នែកអភិវឌ្ឍន៍»
«ឯកឧត្តមឃឹមហ្វីណង់អភិបាលស្រុកខេត្តសៀមរាបកូនប្រុសអតីតអភិបាលខេត្តសៀមរាបឃឹមបុ៊នសុង អនាគតនិងបន្តវេនជាអភិបាលខេត្ត»
«គាត់គឺជាថ្នាក់ដឹកនាំគួរអោយគោរពពិតមែន នឹងមានសិលធម៌ល្អ»,
«មែនហ្នឹងបង ចរឹតឬកពាគាត់ថ្លៃថ្នូរនឹងនរល្អណាស់» និង «មិត្តមួយថ្ងៃ មិត្តមួយជីវិត»
ឯកឧត្តម ឃឹម ហ្វីណង់ បច្ចុប្បន្នមានវ័យ៣៩ឆ្នាំ លោកមានស្រុកកំណើតនៅក្រុងសៀមរាប ខេត្តសៀមរាប។លោករៀនចប់បរិញ្ញាបត្រចំនួន២គឺបរិញ្ញាបត្រនៅសាកលវិទ្យាល័យភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច (Rule) និងបញ្ចប់បរិញ្ញាបត្រផ្នែកគ្រប់គ្រងពាណិជ្ជកម្មអន្តរជាតិនៅសាលា American University of Phnom Penh (AUPP)។ លោកបានបញ្ចប់ថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងពាណិជ្ជកម្មនៅសហរដ្ឋអាមេរិក៕
ប្រភព៖ Facebook
