ម្ចាស់បទចម្រៀងល្បី «Top of the Lady» កញ្ញា ទេព បូព្រឹក្ស មិនត្រឹមតែមានសមត្ថភាពច្រៀងរាំបានល្អនោះទេ ប៉ុន្តែរូបសម្រស់របស់កញ្ញាក៏ត្រូវបានអ្នកគាំទ្រចាត់ទុកថាស្អាតលេចធ្លោ ជានារីស្អាតមួយរូបផងដែរ។ ចំពោះរូបសម្រស់ដ៏ស្រស់ស្អាតពីធម្មជាតិនេះ គឺបានមកពីហ្សែនខាងម្ដាយ ដែលទោះជាពេលនេះវ័យរាងជ្រេកូនស្រីកូនប្រុសធំទន្ទឹមខ្លួនហើយក្ដី ក៏រូបសម្រស់នៅតែរក្សាសម្រស់បានក្មេងស្អាតដដែល។
សម្រស់របស់ម្ដាយកញ្ញាទេព បូព្រឹក្ស ទាក់ទាញនូវការចាប់អារម្មណ៍ច្រើនពីសាធារណជនក្រោយកូនស្រីបណ្ដូលចិត្តកញ្ញា ទេព បូព្រឹក្សបានបង្ហោះរូបថតបង្ហាញមុខម្ដាយរបស់ខ្លួនព្រមជាមួយនឹងសំនេរប្រកបដោយខ្លឹមសារថា៖ «រីករាយថ្ងៃកំណើតម៉ាក់ សូមឱ្យម៉ាក់មានសុខភាពល្អ កូនសូមប្រាថ្នាកើតជាតិណាណា សូមឱ្យកើតជាកូនម៉ាក់គ្រប់ៗជាតិ»។
ងាកមកអ្នកគាំទ្រវិញ ពិតជាមានការភ្ញាក់ផ្អើលខ្លាំងពេលបានមើលឃើញសម្រស់ពិតរបស់ម្ដាយតារាចម្រៀងរូបស្រស់ម្នាក់នេះ ដែលមិនត្រឹមតែស្អាតទេ ថែមទាំងក្មេងទៀត រហូតមានអ្នកខ្លះច្រឡំស្មានថាជាបងប្អូននឹងគ្នាទៀតផង៕
ប្រភព៖ Tep Boprek
