អាមេរិក – Lee Jungjae និង Jung Hoyeon តួឯកប្រុសស្រីរឿង «Squid Game» បានក្ដោបរង្វាន់ដ៏សំខាន់ចំនួន២ គឺ «Best Actor» និង «Best Actress» ពីកម្មវិធីប្រគល់រង្វាន់ 28th Screen Actors Guild Awards នារដ្ឋកាលីហ្វ័រនីញ៉ា។
នៅថ្ងៃទី២៨ ខែកុម្ភៈ ឆ្នាំ២០២២នេះ កម្មវិធីប្រគល់រង្វាន់ដ៏ធំ 28th Screen Actors Guild Awards ដែលបានប្រារព្ធឡើងនៅ Barker Hangar នាទីក្រុង Santa Monica រដ្ឋកាលីហ្វ័រនីញ៉ា។ នៅក្នុងចំណោមសិល្បករ ផលិតករ អ្នកដឹកនាំដ៏ច្រើនដែលចូលរួមក្នុងនោះមាន Hwang Donghyuk និងតួអង្គសំខាន់ៗក្នុងរឿងដូចជា Lee Jungjae, Jung Hoyeon, Park Haesoo, Kim Jooryung, និង Anupam Tripathi ក៏មកចូលរួមដែរ។
នៅក្នុងរាត្រីនោះ Lee Jungjae និង Jung Hoyeon ឈ្នះ «Best Actor» និង «Best Actress» បានឈ្នះរង្វាន់សម្រាប់តួអង្គដែលពួកគេបានសម្ដែង «Squid Game»
«28th Screen Actors Guild Awards» ផ្ដល់ពានរង្វាន់ចំពោះភាពយន្ត និងរឿងភាគទូរទស្សន៍ ដែលសម្រេចបានសមិទ្ធិផលល្អប្រចាំឆ្នាំ២០២១។
សូមអបអរសាទរចំពោះ Lee Jungjae និង Jung Hoyeon។ សម្រាប់រឿង «Squid Game» ក៏បានឈ្នះពានរង្វាន់ «TV Drama Ensemble» ពីកម្មវិធីនោះផងដែរ៕
ប្រភព៖ GStarlive
