ក្រុមបាល់ទាត់ជម្រើសជាតិក្រោមអាយុ២៣ឆ្នាំ (U23) របស់វៀតណាម ដែលម្ចាស់ជើងឯកយុវជនក្រោមអាយុ២៣ឆ្នាំប្រចាំតំបន់អាស៊ាន 2022 AFF U-23 Championshipធ្វើឡើងនៅរាជធានីភ្នំពេញ បានហែពានរង្វាន់មួយនេះទៅដល់ស្រុកកំណើតខ្លួនហើយ។
ក្រុម U23 វៀតណាម បានក្លាយជាម្ចាស់ជើងឯកពានរង្វាន់ប្រចាំតំបន់អាស៊ាន 2022 AFF U-23 Championshipនេះជាលើកដំបូងក្រោយយកឈ្នះលើក្រុមថៃ នៅវគ្គផ្ដាច់ព្រ័ត្រដោយលទ្ធផល ១ទល់០ លើទីលានពហុកីឡដ្ឋានជាតិមរតតេជោ។ នេះជាពានរង្វាន់ដែលរៀបចំលើកដំបូងនៅកីឡដ្ឋានដ៏ធំសម្បើមរបស់កម្ពុជា មួយនេះ ដែលសាងសង់ត្រៀមទទួលធ្វើម្ចាស់ផ្ទះព្រឹត្តិការណ៍កីឡាស៊ីហ្គេមឆ្នាំ២០២៣ ខាងមុខ។
សម្រាប់លទ្ធផលនៃការប្រកួត2022 AFF U-23 Championshipមាន៖
ជើងឯក៖ វៀតណាម
ជើងឯករង៖ថៃ
លេខ៣ស្ទួន៖ ឡាវ និងទីម័រខាងកើត
អ្នកចាទីល្អប្រចាំព្រឹត្តិការណ៍៖ ហ៊ុល គឹមហ៊ុយ របស់កម្ពុជា
កីឡាករល្អជាងគេប្រចាំព្រឹត្តិការណ៍៖ Bounphachan Bounkong របស់ឡាវ
ម្ចាស់ស្បែកជើងមាស៖ Teerasak Poeiphimai របស់ថៃ (រកបាន៣គ្រាប់)
ខាងក្រោមជាសកម្មភាពខ្លះៗរបស់ U23 វៀតណាម ហែពានត្រឡប់ទៅស្រុក៖
រូបថត៖ Zing &VFF
