ឥណ្ឌូនេស៊ី – កម្លាំងនៃការខូចចិត្តបានជំរុញឱ្យបុរសម៉ាប់ជនជាតិឥណ្ឌូនេស៊ីម្នាក់ ដែលត្រូវសង្សារសុំបែកព្រោះតែខ្លួនធាត់លើសទម្ងន់ខ្លាំងពេក បានសម្រេចចិត្តផ្លាស់ប្ដូរខ្លួនឯងជាថ្មី រហូតក្លាយជាបុរសសង្ហា មានហ្វេនគាំទ្រចូលមើលវីដេអូរបស់គេជាង២០លានដង។
អ្នកកំលោះដែលកំពុងតែល្បីល្បាញនេះមានឈ្មោះថា Oddi ជាបុរសរាងធាត់ជនជាតិឥណ្ឌូនេស៊ី គេបានចូលទៅ Upload វីដេអូចូលក្នុងគនណនី tiktok របស់គេមានឈ្មោះថា thisisds_ ដោយយុវជនរូបនេះបានធ្វើបច្ចុប្បន្នភាព (Update) ពីការផ្លាស់ប្ដូររូបរាងរបស់តាំងពីធាត់មុនសម្រកទម្ងន់រហូតមានរូបរាងស្អាតសង្ហាដូចសព្វថ្ងៃ ដែលអាចនិយាយបានឃ្លីបខាងលើបានក្លាយជា viral ល្បីលើ tiktok។
ក្រៅពីនេះ Oddi (អឌី) ថែមទាំងចែករំលែកអាថ៌កំបាំងសម្រកទម្ងន់របស់រូបគេ ដោយសាមីខ្លួនបានបង្ហើបថា រូបមន្តអាថ៌កំបាំងរបស់គេគឺ «គេមិនញ៉ាំនំ មិនញ៉ាំទឹកក្រូច មិនញ៉ាំគ្រឿងស្រវឹង របស់ផ្អែម របស់រសជាតិប្រៃនិងមានខ្លាញ់ ហើយជាពិសេសគឺការហាត់ប្រាណជាប្រចាំ» បន្ថែមលើសពីនេះគេបានឱ្យដឹងទៀតថា «ភាពជោគជ័យអាចនឹងមិនងាយ ប្រាកដណាស់គ្រប់យ៉ាងវាស្ថិតលើពេលវេលានិងការតាំងចិត្ត»
បន្ទាប់ពីឃ្លីបវីដេអូរបស់គេបានបង្ហោះចេញទៅក្រៅក៏មានការចែករំលែកតៗគ្នា ហើយក៏មានអ្នកលេងអ៊ីនធឺណិតជាច្រើនបានកោតសរសើរចំពោះការផ្លាស់ប្ដូរខ្លួនយ៉ាងខ្លាំងរបស់យុវជនរូបនេះ ថែមទាំងលើកជាសំនួរថាសងសង្សារចាស់របស់គេប្រហែលជាខូចចិត្តមិនខាន។ មនុស្សជាច្រើនមើលឃើញថារូបរាងថ្មីរបស់រូបគេស្រដៀងទៅនឹងតារាចម្រៀងប្រទេសចិន Huang Minghao ឬ Justin Huang របស់ក្រុម NEXT ថែមទៀតផង៕
ប្រភព៖ hk01
ទស្សនាវីដេអូ Big News ៖